Sa słoŭ Trampa, u vypadku vychadu ŭ Zialenskaha buduć «vialikija prablemy».
Prezident ZŠA Donald Tramp zajaviŭ, što ŭkrainski prezident Uładzimir Zialenski nibyta choča vyjści sa ździełki pa zdabyčy karysnych vykapniaŭ. Sa słoŭ Trampa, u vypadku vychadu ŭ Zialenskaha buduć «vialikija prablemy».
«Jon sprabuje vyjści z uhody ab redkaziamielnych mietałach, i kali jon heta zrobić, u jaho ŭźniknuć prablemy, vialikija, vialikija prablemy», — cytuje Trampa ahienctva Reuters.
«Jon choča być čalcom NATO, ale jon nikoli nie budzie čalcom NATO. Jon heta razumieje», — skazaŭ amierykanski lidar žurnalistam na borcie prezidenckaha samalota.
Na minułym tydni suśvietnyja ŚMI paviedamlali, što ZŠA pradstavili Kijevu abnoŭleny prajekt pahadnieńnia, jaki praduhledžvaje amal poŭny kantrol ZŠA nad usimi radoviščami karysnych vykapniaŭ Ukrainy biez harantyj biaśpieki dla Kijeva.
Zialenski paćvierdziŭ, što Ukraina atrymała dakumient. Da hetaha, na pres-kanfierencyi ŭ Paryžy ŭ čaćvier, jon kazaŭ, što ŭmovy ździełki pa nietrach pastajanna mianiajucca.
Pahadnieńnie płanavałasia padpisać u toj dzień, kali ŭ Biełym domie adbyłasia svarka pamiž Trampam, Zialenskim i vice-prezidentam ZŠA Džej Dzi Vensam.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1010
Kamientary