Adkul stolki žudasnych partretaŭ znakamitaściaŭ u «Vikipiedyi»? Ciapier heta sprabujuć vypravić
«Vikipiedyja» — adzin z samych naviedvalnych sajtaŭ śvietu, adnak, jak pryznajuć niekatoryja ź jaje redaktaraŭ-vałancioraŭ, mnohija jaje staronki prailustravany vielmi pasrednymi fotazdymkami. Asabliva heta kidajecca ŭ vočy ŭ artykułach pra znakamitaściaŭ.
Artykułaŭ pra viadomych ludziej ź vielmi starymi ci vielmi niepachvalnymi dla ich fotazdymkami ŭ «Vikipiedyi» nastolki šmat, što jość navat śpiecyjalnyja Instagram-akaŭnty, pryśviečanyja samym horšym ź ich, raskazvaje Bi-bi-si.
Adbyvajecca heta tamu, što prafiesijnyja fatohrafy, jakija naviedvajuć, naprykład, roznaha rodu kinapremjery, jak praviła, pracujuć na bujnyja ahienctvy: ich raboty abaronienyja aŭtarskim pravam i za ich vykarystańnie zvyčajna treba płacić.
U «Vikipiedyi», jakaja ŭ asnoŭnym žyvie za košt achviaravańniaŭ svaich karystalnikaŭ, hrošaj na heta prosta niama.
A tamu inicyjatyŭnaja hrupa raspracavała i zapuściła prajekt WikiPortraits, meta jakoha — nabrać pa ŭsim śviecie fatohrafaŭ-dobraachvotnikaŭ i akredytavać ich dla naviedvańnia kinafiestyvalaŭ, kanfierencyj i inšych mierapryjemstvaŭ, kab zrabić patrebnyja zdymki.
«Fatahrafij ludziej u «Vikipiedyi» doŭhi čas amal nie było — a tyja, što zredku traplalisia, byli drennaj jakaści, — zhadvaje adzin z arhanizataraŭ novaha fotaprajekta Kievin Piejravi. — I jak redaktary «Vikipiedyi» my ŭvieś čas pra heta dumali».
U dačynieńni da fatahrafij i zachavańnia aŭtarskich pravoŭ u «Vikipiedyi» dziejničajuć strohija praviły, a tamu zahružanyja vyjavy pavinny naležać ich aŭtaram, ale raspaŭsiudžvacca pa svabodnaj licenzii abo ličycca hramadskim zdabytkam.
U vyniku ŭ «Viki» šmat fatahrafij, zroblenych nie prafiesijnymi fatohrafami, a entuzijastami-amatarami.
U niekatorych vypadkach heta aznačaje, što jakaść vyjavy prosta pakidaje žadać lepšaha — adnak čaściej usio našmat horš.
Adzin z prykładaŭ — artykuł pra anhlijskaha futbalista Kajła Bartli, niaŭdałaje fota jakoha było zroblena jašče ŭ 2011 hodzie.
Prajekt WikiPortraits byŭ zapuščany ŭ pačatku 2024 hoda.
Pracujuć fatohrafy na biazvypłatnaj asnovie. Choć bolšaść ź ich žyvuć u ZŠA, u pracy zadziejničanyja dobraachvotniki z usiaho śvietu.
U asnoŭnym zaniatyja ŭ prajekcie vałanciory — zvyčajnyja entuzijasty «Vikipiedyi»: jak fatohrafy-amatary, tak i prafiesijanały, jakija žadajuć papoŭnić svajo partfolia.
Na siońnia zdymki dla «Vikipartretaŭ» užo zrabili (abo padachvocilisia zrabić u bližejšy čas) bolš za paŭsotni dobraachvotnikaŭ.
Biełaruskich sielebryci prablema nie abyšła — na staronkach byvajuć zahružanyja staryja fota.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1010
Kamientary