Jakoje žyllo kupić, kab jano prynosiła dachod — ekśpiert daje parady
Nieruchomaść, jak i raniej, zastajecca abjektam dla kapitałaŭkładańniaŭ. Ale, jak i lubaja inviestycyja, niasie peŭnuju dolu ryzyki. Žurnalist Tochka.by daviedaŭsia ŭ ryełtara kampanii «Avanhard Nieruchomaść» Kaciaryny Błahuš, jak vyznačyć idealnuju kvateru, jakaja moža stabilna prynosić pasiŭny dachod.
Ci kuplać kvateru dla pieraprodažu?
Pa słovach surazmoŭcy, jość prykłady, kali ludzi sapraŭdy zarabili, ukłaŭšysia ŭ budaŭnictva žylla na stadyi katłavana («Levada», «Paŭnočny bierah»).
Jak i isnujuć prajekty, jakija zdajucca pavolna i prablemna («Hrušaŭski pasad»), a ludzi doŭha nie mohuć ubačyć addaču ad układzienych srodkaŭ.
Ciapier chruščoŭku, nabytuju ŭ 2013-m, možna pradać prykładna za takija ž hrošy.
Kali b ułaśnik vyrašyŭ pazbavicca ad hetaj kvatery piać hadoŭ tamu, to zmoh by vyručyć $45 tys. Heta značyć, straciŭ by čverć pačatkovaj sumy.
Nabyŭšy kvateru za $45 tys. u 2020-m, zaraz uładalnik realizavaŭ by jaje na 33% daražej.
Ci harantuje kvatera pad arendu dachod?
Śpiecyjalist źviartaje ŭvahu, što zdača kvatery ŭ arendu robić ułaśnika zaležnym ad jaje. Jon faktyčna stanovicca ranćje.
«Tak ci inakš daviadziecca ŭ hetym udzielničać. Nie budzie tak, što dzieści asobna isnuje vaša kvatera, jakaja prosta raz u miesiac kładzie vam hrošy na kartu», — paznačaje surazmoŭnica.
Heta mohuć być nie takija lohkija hrošy, jak padajecca. Usio roŭna pieryjadyčna ŭźnikajuć prablemy: skarhi na šum, kahości zatapiła, arandatar terminova źjazdžaje.
U siłu roznych pryčyn zaŭsiody jość vierahodnaść padzieńnia popytu i taho, što kvatera budzie prastojvać padčas pošukaŭ novych arandataraŭ. A jašče treba ŭličvać vydatki na drobny ramont i padatkavyja vypłaty.
Pasutkava ci doŭhaterminova?
Pavodle acenak ekśpierta, pasutačnaja arenda — asobnaja historyja. U čałavieka, pa sutnaści, nie pavinna być nijakaj inšaj pracy: sustrakać pastajalcaŭ, prybirać za imi, vyrašać bytavyja pytańni.
Mienš zatratny pa časie i namahańniam varyjant — subarendy, kali vy zdajacie na miesiac (naprykład, za $400), a ŭžo arandatary «haniajuć» žyllo pa sutkach. Ale ŭ hetym vypadku dla ŭłaśnika ŭsio znoŭ pieratvarajecca ŭ doŭhaterminoŭku.
Zapatrabavanymi na sutki buduć kvatery ŭ centry horada ź blizkaściu da vakzała ci znakavych miescaŭ. Na adpaviednych interniet-resursach možna zaŭvažyć, kolki žylla pasutačna zdajecca ŭ «stalinkach» na praśpiekcie Niezaležnaści.
Taksama treba razumieć, što ŭ takoha biźniesu ŭ apošnija hady ŭźnikała šmat fors-mažornych faktaraŭ: pandemija i skaračeńnie kolkaści turystaŭ ź Jeŭropy.
Pa nazirańniach ryełtara, u prodažy ŭsio čaściej źjaŭlajucca kvatery, jakija jak byccam zdavalisia raniej pasutačna.
Zrešty, sudzić ab hetym surazmoŭnica moža tolki pa intuicyi, zychodziačy z charakternych fota interjeru.
Ci možna dabicca surjoznaj źnižki pry kupli takich kvater? Śpiecyjalist padkreślivaje, što sam fakt zdačy pasutačna nie moža słužyć pryčynaj. Nahodaj stanuć tolki kankretnyja niedachopy, a jany byvajuć u luboha žyłoha pamiaškańnia, niezaležna ad taho, jak jano vykarystoŭvałasia.
Jakuju kvateru kupić, kab jana nie hublała ŭ košcie?
Kali nie zvažać na fors-mažornyja akaličnaści, to, viadoma, jość kryteryi, jakija pry inšych roŭnych umovach buduć zachoŭvać likvidnaść kvatery.
Lepšym varyjantam układańniaŭ, pa słovach Kaciaryny, biezumoŭna, źjaŭlajucca manalitna-karkasnyja damy. Ale i novyja panelki ŭ cełym mohuć doŭha zastavacca zapatrabavanymi. U jakaści prykładu subiasiednica pryviała «Novuju Baravuju».
«Kali brać mocna zahadzia, na ŭzroŭni katłavana, to na vychadzie možna zarabić. Prosta kupić i pierapradać hatovaje — bolš z razradu łatarei. Znajści na rynku niešta pa zanižanym košcie składana. I nievysoki košt budzie abumoŭleny niejkaj prablemaj, jakaja paśla moža pryvieści da niezapłanavanych vydatkaŭ», — tłumačyć jana.
Kali ŭsio ž taki razhladać hatovyja kvatery, to ŭ lubym vypadku lepš kuplać u novych damach. Praŭda, i ŭkładvać daviadziecca značna bolš, tamu treba adšturchoŭvacca ad svajho biudžetu.
U płanie płoščy vybirać treba «adnapakajoŭki» ci «dvuški», jakija karystajucca pavyšanym popytam z punktu hledžańnia i mahčymaha pieraprodažu, i arendy. Zarabić i kupić (u tym liku z dapamohaj kredytu) ich praściej. Trochpakajoŭki ŭ adnym i tym ža domie mohuć zdavacca pa canie dvuchpakajovaj kvatery.
Pa słovach surazmoŭcy, u apošnija hady asabliva papularnym źjaŭlajecca farmat «jeŭradvušak» (sumieščanaja z kuchniaj haścioŭnia i asobnaja spalnaja).
Jość «załatyja praviły»: pryvabny žyły stan, minimum kaśmietyčnaha ramontu i najaŭnaść mietro pobač. Tady lubyja «adnuški» ci «dvuški» pavinny zdavacca dobra. Ale zaraz navat blizkaść samaha chutkaha vidu hramadskaha transpartu nie źjaŭlajecca značnym kryteryjem.
«U rajonach «Labiažy» abo «Novaja Baravaja», dzie niama mietro, usio zdajecca vielmi dobra i doraha. Navat na pieršych ci apošnich pavierchach. I kantynhient kvatarantaŭ patencyjna budzie stvarać mienš prablem, čym umoŭna hrupa studentaŭ, jakaja zajechała ŭ chruščoŭku», — kanstatuje ekśpiert.
Kali hrošy dazvalajuć, to lepš kuplać žyllo ŭ novych damach va ŭžo zarekamiendavanych rajonach.
Vidavočny niedachop nieruchomaści — pryviazka da ziamli. Jaho nielha adnosna chutka manietyzavać.
Ale, kali nie brać da ŭvahi faktary niepieraadolnaj siły, majomaść usio roŭna budzie mieć vahu. Navat kali jana ŭpadzie ŭ canie, heta adbudziecca praparcyjna ahulnamu źnižeńniu pakupalnickaj zdolnaści. A najnoŭšaja historyja pakazała, što rynak nieruchomaści moža adnosna chutka adnavicca. Navat na fonie hieapalityčnaj niavyznačanaści.
Kali abahulniać hłabalna, to ŭ kantekście pakupki / prodažu nieruchomaści pryncyp taki ž, jak i ŭ inšych inviestycyjach (akcyjach abo kryptavalutie): kuplać u horšyja časy (na dnie) i pradavać u lepšyja (na piku). Niuansy tolki ŭ stupieni i pieryjadzie vałacilnaści, a taksama ŭ suadnosinach ryzyki i prybytkovaści.
Kamientary