Cana za samuju darahuju kvateru, pradadzienuju ŭ Minsku ŭ sakaviku, blizkaja da miljona dalaraŭ
Samaja darahaja kvatera, pradadzienaja ŭ sakaviku 2025 hoda ŭ Minsku, abyšłasia pakupniku ŭ 835 tysiač dalaraŭ. Jana znachodzicca ŭ elitnym žyłym kompleksie «Depo», piša Realt.by.
U rajonie płoščy Pieramohi, dzie ŭ XIX stahodździ raźmiaščaŭsia konski rynak, a ŭ 20-m — tramvajnaje depo, jakoje paźniej stała tralejbusnym, zabudoŭščyk «A-100 Deviełapmient» uzvodzić elitny žyły kompleks «Depo».
Pieršyja damy ŭ zakrytym ŽK zdali ŭ kancy 2022 hoda, a ŭ sakaviku ŭ adnym ź ich na vulicy Kisialova, 6A i kupili tuju samuju kvateru.
Dom — šaścipaviarchovy, usiaho na 21 kvateru. Vyšynia stolaŭ tut — bolš za try mietry. Pry hetym płošča kvater startavała ad 89 kvadratnych mietraŭ, jakija na starcie prodažaŭ u 2021 hodzie kaštavali ad 311 tysiač dalaraŭ, a kvadratny mietr varjiravaŭsia ad 3500 da 4900 dalaraŭ.
Tut u sakaviku kupili 6-pakajovuju kvateru na apošnim paviersie ahulnaj płoščaj 218 kvadratnych mietraŭ. Abyšłasia jana pakupniku ŭ 835 000 dalaraŭ (ci 3832 dalara za kvadratny mietr).
Ciapier čytajuć
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki2
Kamientary