Jak pravilna myć tvar, kab skura skazała vam dziakuj — raskazvajem
Umyvańnie — vielmi važnaja častka dohladu za skuraj. I sprava nie tolki ŭ ačyščeńni jaje pavierchni ad kaśmietyki i skurnaha tłušču. A ŭ tym, što kali pierastaracca z ačyščeńniem, možna zmyć achoŭny płast skury, jaki abaraniaje jaje ad źniešniaha asiarodździa i bakteryj.
Naš hidralipidny słoj vielmi lohka razburyć intensiŭnym myćciom. Tak, lubimaje mnohimi ačyščeńnie da skrypieńnia zusim nie dobraja prykmieta.
Kali lipidny słoj parušany, skura chutčej stanovicca abiazvodžanaj (kali ŭ vas suchaja skura, jana budzie bolš ściahnutaja, kali tłustaja — na joj buduć čaściej uźnikać vuhry).
Što ž rabić, kab zachavać hety važny płast? Vykarystoŭvać bolš miakkaje ačyščeńnie zamiest zvyčajnych pienak.
Heta mohuć być hidrafilny alej, krem dla ŭmyvańnia, pienki ź niejtralnym ph 5.5, jaki nabližany da kisłotna-ščołačnaha bałansu skury.
Dla tłustaj i schilnaj da prablem skury, jak ni dziŭna, moža dobra padyści hidrafilny alej — jon nie tolki zdymaje makijaž, ale i rastvaraje tłušč, pry hetym miakka ŭździejničaje na skuru. Zamiest dvuchfaznaha myćcia vykarystoŭvajcie tolki jaho chacia b na praciahu tydnia, i roźnica budzie zaŭvažnaj: vaša skura adčuje siabie lepš.
Dla suchoj i reaktyŭnaj skury padyduć ačyščalnyja kremy — šukajcie na bancy nadpis «cleansing cream». Karystacca im treba hetak ža, jak i pienkaj: nievialikuju kolkaść nanosim na skuru, masirujem, zmyvajem vadoj.
Pienki ź niejtralnym ph padyduć usim typam skury, ale majcie na ŭvazie: mocna pienicca jany nie buduć, i heta narmalna.
Va ŭsich vypadkach skura spačatku budzie zdavacca niedamytaj, adnak heta adčuvańnie chutka projdzie.
Dla ekśpierymientu vam chopić dzion 10 — vy ŭbačycie, jak vaša skura reahuje na taki padychod. Kali ŭ vas časta źjaŭlajucca vuhry, vielmi vierahodna ich stanie mienš, bo vaš achoŭny płast pierastanie parušacca, skura budzie sama siabie abaraniać ad bakteryj, jakija pravakujuć vysypańni. A jašče miakkaje ŭmyvańnie nie sušyć, što budzie asabliva aktualna ŭ zimovy pieryjad.
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary