Milicyja pryjšła dadomu da zatrymanych za kancert muzykaŭ «RSP». Šukali pratesnuju simvoliku
Pa miescy žycharstva muzykaŭ hurta «Raźbitaje serca pacana», zatrymanych 13 lutaha za kancert, prychodzili z ahladami. Jak raspaviała mieniedžar hurta Nasta Dol, siłaviki šukali pratesnuju simvoliku, piša Tut.by.
— Na hety momant nam viadoma, što da čatyroch udzielnikaŭ RSP prychodzili dadomu supracoŭniki ŭnutranych spraŭ, pravodzili ahlad na pradmiet zabaronienaj simvoliki, — raspaviała Nastaśsia.
Pa słovach dziaŭčyny, siłaviki viali siabie dosyć karektna i spakojna. Ničoha zabaronienaha padčas ahladaŭ nie znajšli.
Jość infarmacyja, što z takimi ž ahladami prychodzili i da inšych zatrymanych na turbazie pad Smalavičami.
«Usie padumali, što heta teatralnaja pastanoŭka». Jak AMAP zatrymlivaŭ udzielnikaŭ kancerta pad Smalavičami
Nahadajem, 13 lutaha na bazie adpačynku «Ahieńčyk» u pasiołku Sokał Smalavickaha rajona supracoŭniki AMAPa zatrymali ŭdzielnikaŭ i hledačoŭ kancerta biełaruskich hurtoŭ «Raźbitaje serca pacana», Panska Moc i Ok-Band. Pavodle źviestak pres-słužby MUS, usiaho na niesankcyjanavanym masavym mierapryjemstvie «pad vyhladam muzyčnaj viečaryny» zatrymali 68 čałaviek. Dziesiać ź ich — dziaciej i tych, u kaho na ŭtrymańni znachodziacca niepaŭnaletnija, adpuścili.
Sudy nad zatrymanymi pačalisia 15 lutaha. Anastasija Dol była aštrafavanaja na 30 bazavych vieličyń, vakalistu i hitarystu «RSP» Dzianisu Tarasienku, kłavišniku, vakalistu, akcioru Paŭłu Haradnickamu i basistu Andreju Asipčyku prysudzili pa 15 sutak.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1010
Kamientary