Valeryj Kavaleŭski patłumačyŭ, čamu pakinuŭ Kabiniet Cichanoŭskaj
«Śviatłana Cichanoŭskaja pavinna mieć pobač z saboju tych ludziej, jakija całkam padzialajuć jaje padychody».
Pryčyny svajho sychodu z Abjadnanaha pierachodnaha kabinieta Valeryj Kavaleŭski patłumačyŭ u efiry jutub-kanała «DW Biełaruś». Pa słovach užo byłoha pradstaŭnika pa zamiežnych Kabinieta, asnoŭnym stała toje, što
«ŭ pieršuju čarhu nieabchodna dumać ab tym, jak pracavać na Biełaruś, jak pracavać ź biełarusami jak za miežami krainy, tak i ŭnutry jaje».
Pa słovach palityka, ciapier u demakratyčnym ruchu vidavočny vyrazny akcent na mižnarodnuju pracu:
«Ironija zaklučajecca ŭ tym, što heta i maja adkaznaść taksama. I ja pavinien być zacikaŭleny ŭ tym, kab fokus na mižnarodnaj dziejnaści byŭ vyšejšy. Ale ja liču, što z-za taho, što źmieny ŭ Biełarusi mahčymy tolki rukami, sercami i namahańniami biełarusaŭ, to hałoŭnaje namahańnie demakratyčnaha ruchu pavinna być nakiravana mienavita na rabotu ź biełarusami».
Pa słovach Kavaleŭskaha, u Kabiniecie jon u tym liku vystupaŭ z prapanovami pa ŭnutrypalityčnaj rabocie.
«Niešta znajšło pryniaćcie, niešta nie. U rešcie rešt ja liču, što kiraŭnik Kabinieta i lidar biełaruskaha demakratyčnaha ruchu Śviatłana Cichanoŭskaja pavinna mieć pobač z saboju tych ludziej, jakija całkam padzialajuć jaje padychody. Tamu ja pryjšoŭ da takoha rašeńnia».
Kavaleŭski zapeŭniŭ, što jaho sychod nijak nie źviazany z rasśledavańniem Biełaruskaha rasśledavalnickaha centra ab tym, što kampanija, jakaja prapanoŭvała pasłuhi druku «pašparta Novaj Biełarusi», źviazanaja ź biznesoŭcam, nabližanym da Łukašenki.
«Kali havaryć ab tym, što mienavita adsutnaść vyraznaha prahresu ŭ pašpartnym prajekcie mahła stać pryčynaj majho sychodu, to biezumoŭna nie»,
— dadaŭ Kavaleŭski.
Ciapier čytajuć
Milicyja prapanuje, kab amnistyja zakranuła amal usich asudžanych za narkotyki5
Milicyja prapanuje, kab amnistyja zakranuła amal usich asudžanych za narkotyki
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki77
Kamientary