Hramadstva4040

Chto stanie novym śpikieram Kaardynacyjnaj rady? Imia favaryta ŭžo viadomaje

Andreju Jahoravu dakładna daviadziecca sastupić kresła. Favaryt na pasadu — Anžalika Mielnikava.

Anžalika Mielnikava, fota z fejsbuka

Vybary śpikiera projduć zaŭtra, 10 lipienia. Hałasavać buduć 80 siabraŭ Kaardynacyjnaj rady. U kaho bolšaja kaalicyja, u taho i bolš šancaŭ pravieści svajho kandydata na pasadu.

Najbolš miescaŭ u KR atrymali pradstaŭniki kamandy Paŭła Łatuški i ruchu «Za svabodu» — 28. Naziralniki miarkujuć, što mienavita ich pradstaŭnik i budzie śpikieram (z ulikam sajuźnikaŭ u Łatuški budzie bolš za 50% hałasoŭ). Ale chto?

Sam Pavieł Łatuška nie moža — pa praviłach nielha sumiaščać pracu ŭ strukturach Cichanoŭskaj i pasadu śpikiera KR. Juryj Hubarevič i Uładzimir Astapienka nie padychodziać z toj ža pryčyny.

Tamu ad kamandy źbirajucca vyłučać 37-hadovuju Anžaliku Mielnikavu. Jana pracuje z Łatuškam u Narodnym antykryzisnym upraŭleńni.

Anžalika Mielnikava, fota NAU

Anžalika Mielnikava naradziłasia ŭ Niaśvižy. Skončyła Minski dziaržaŭny linhvistyčny ŭniviersitet i Biełaruski dziaržaŭny ekanamičny ŭniviersitet. Da 2018 hoda była namieśnicaj hienieralnaha dyrektara «Koka-Koła Bieŭrydžyz Biełaruś», paśla syšła ŭ dekretny adpačynak. U 2020 jaje dvojčy zatrymlivali na pratestach, u vyniku siamja źjechała ź Biełarusi.

«Jość zdolnaści i žadańnie. Dumaju, što dobra spravicca», — koratka patłumačyŭ vybar na karyść Mielnikavaj Hubarevič.

Andrej Jahoraŭ, śpikier Kaardynacyjnaj rady 2 sklikańnia. Fota: telehram-kanał KR / Arciom Prypisnoŭ

Ciapierašni śpikier Kaardynacyjnaj rady Andrej Jahoraŭ kaža, što ich kamanda (13 miescaŭ u KR) vyrašyła nie vyłučać kandydata na śpikiera i vice-śpikiera. Chacia dyskusija jašče idzie.

Novym śpikieram, na dumku Jahorava, budzie chtości sa śpisu Łatuški.

Kamientary40

  • Nie hałasi!
    09.07.2024
    Elechtarat, a lepš pavyj, niahiehły.
  • Vielmi plonna idzie praca
    09.07.2024
    Za miesiac śpikiera vo vybrali amal, i śmiech i hrech, a paskardzicca niama kamu.
  • Niebutierbrod
    09.07.2024
    KS 3.0. Liderka 2.0. Bołoto 1.0.

Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8

Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY

Usie naviny →
Usie naviny

«Nie pašpart mianie robić biełarusam». Pahutaryli z emihrantami z roznych krain, u jakich skončylisia pašparty6

Jakija mikrarajony Minska samyja darahija?1

Tramp skazaŭ, što Zialenski moža admovicca ad Kryma2

U haradskich maršrutkach pavinny źjavicca ramiani biaśpieki

Kanada siońnia abiraje novy parłamient i premjer-ministra na fonie kanfliktu z Trampam1

Samuju darahuju kvateru ŭ Minsku sprabujuć zdać za 10 tysiač dalaraŭ štomiesiac9

Bank paprasiŭ raskazać pra pajezdki za miažu. Navošta?

Učora ŭ Biełarusi było nie bolš za +13°S1

Tramp znoŭ zaklikaje Pucina «spynić stralbu» i zaklučyć «ździełku»

bolš čytanych navin
bolš łajkanych navin

Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8

Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY

Hałoŭnaje
Usie naviny →

Zaŭvaha:

 

 

 

 

Zakryć Paviedamić