Žyhar nazvaŭ troch čałaviek, jakim najbolš daviaraje Łukašenka
Pradstaŭnik abjadnańnia byłych siłavikoŭ «Biełpoł» Uładzimir Žyhar parazvažaŭ na hetu temu ŭ novym vypusku TOKu.
Pa słovach Uładzimira Žyhara, niama takoha čałavieka, jakomu b Łukašenka całkam daviaraŭ.
Na pohlad byłoha siłavika, najbolšym davieram karystajucca syny Viktar i Dźmitryj, a taksama Viktar Šejman.
«My ž viedajem, jak Łukašenka dziejničaje. Ty možaš być krutym ahraryjem, padniacca vielmi vysoka, być pastajanna pobač, ale adna niejkaja pamyłka, ciabie miedyjna stanovicca bolš, čym treba — i ciabie adrazu zasoŭvajuć», —
dzielicca svaimi nazirańniami Žyhar i pryvodzić u prykład Uładzimira Dvornika:
«Jon byŭ staršynioj saŭhasu «Zara», chrosnym baćkam Koli Łukašenki. Dajšoŭ da samych viarchoŭ, i potym u 2020-m jaho prosta nie stała. A ciapier jon źjaviŭsia na pasadzie dyrektara «Mazyrsoli». Pasada taksama nie drennaja. Ale kali ty byŭ na samym viersie, i spuścicca ŭniz…»
Mahčymaj pryčynaj dla takoha pieramiaščeńnia mahło być toje, što Dvornika «stała zanadta šmat, vielmi šmat jon staŭ davać sabie volnaści».
Niešta padobnaje adbyłosia i z Karpiankovym. «Jaho nie toje, što vielmi mocna zasunuli, prosta zrabili, kab jaho stała mienš».
Jak tłumačyć Žyhar, Łukašenka vybudoŭvaje rejtynh ludziej pa tym, jak časta jany źjaŭlajucca na ekranach televizaraŭ.
«Kali Karpiankova bolš za Kubrakova, to, pa jaho łohicy, pieršy atrymlivajecca trochi surjoźniej za ministra. Tak nie pavinna być. Tym bolš jon źbiraje vakoł siabie niejkaje padabienstva PVK z byłych aficeraŭ-adstaŭnikoŭ śpiecnazu. Tamu treba zrabić jaho trochi mienš», — tłumačyć Žyhar.
Hladzicie vypusk całkam:
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1515
Kamientary