Paśla akcyi ŭ «Makdonaldsie» Tramp sieŭ na śmiećciavoz — kab dapiačy Bajdenu
Były prezident Donald Tramp byŭ sustrety ŭ aeraporcie ŭ Viskonsinie ŭ sieradu na vialikim biełym śmiećciavozie.
«Jak vam moj śmiećciavoz?» — spytaŭ Tramp, apranuty ŭ aranžavuju achoŭnuju kamizelku, u žurnalistaŭ, siadziačy na pasažyrskim siadzieńni aŭtamabila, jaki kružyŭ pa terytoryi aeraporta, piša New York Post.
Hetaja akcyja adbyłasia na nastupny dzień paśla taho, jak 81-hadovy prezident Bajden trapiŭ u niepryjemnuju situacyju: asudžajučy vykazvańni komika Toni Chinčklifa, jaki nazvaŭ Puerta-Ryka «płavajučym vostravam śmiećcia», Bajden pakryŭdziŭ prychilnikaŭ Trampa — tyja ličać, što jon nazvaŭ «śmiećciem» ich.
«Adzinaje śmiećcie, jakoje ja baču, heta jaho prychilniki. Jaho demanizacyja łacinaamierykancaŭ — heta niedapuščalna i supiarečyć amierykanskim kaštoŭnaściam», — skazaŭ Bajden padčas razmovy z hrupaj Voto Latino, u toj čas jak vice-prezident Kamała Charys vystupała pobač na Elipsie ŭ Vašynhtonie, padkreślivajučy, jak Demakratyčnaja partyja abjadnaje krainu.
Respublikancy adrazu asudzili hetuju abrazu i paraŭnali jaje z vykazvańniem tahačasnaha kandydata ŭ prezidenty ad Demakratyčnaj partyi Chiłary Klintan u 2016 hodzie, kali jana zajaviła, što pałova prychilnikaŭ Trampa pavinna być «pakładziena ŭ košyk niahodnikaŭ».
Tramp dystancyjavaŭsia ad Chinčklifa. Kali jaho spytali, ci pavinien jon paprasić prabačeńnia pierad Puerta-Ryka, Tramp, siedziačy ŭ śmiećciavozie, zajaviŭ, što «ničoha nie viedaje pra komika», a zatym pryznaŭsia ŭ svajoj lubovi da Karybskaj vyspy.
«Nichto nie zrabiŭ dla Puerta-Ryka bolš, čym ja. Ja kłapaciŭsia pra ich, kali na ich abrynulisia mocnyja ŭrahany. Nichto nie ładzić z Puerta-Ryka i puertarykancami lepš, čym ja. Jany lubiać mianie, a ja lublu ich», — skazaŭ jon.
-
Pakistan zajaviŭ pra niepaźbiežnaść vajny ź Indyjaj i pryhraziŭ vykarystoŭvać jadziernuju zbroju
-
U Ispanii praz adsutnaść elektryčnaści abjavili nadzvyčajnaje stanovišča, situacyja zastajecca składanaj
-
Litva nie budzie śpiašacca z adkazam na prapanovu Biełarusi adnavić pasažyrskija čyhunačnyja znosiny
Ciapier čytajuć
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary