Krajaznaŭcy Žodzina pakazali, jak razburajecca Bahusłaŭ Pole — miesca, dzie pačałasia historyja horada
U Žodzinie rujnujecca pamiatnaje miesca Bahusłaŭ Pole, ź jakoha pačałasia historyja horada, piša vydańnie Ex-press.by. Hod tamu tut pačalisia ramontnyja raboty, ale chutka skončylisia, paviedamlajuć miascovyja krajaznaŭcy ŭ sacyjalnych sietkach.
Krajaznaŭca Halina Aniskievič apublikavała ŭ fejsbuku post:
«Biez kamientaroŭ. U 2008 hodzie ŭ Žodzinie adkryli miemaryjalny kompleks «Bahusłaŭ Pole». Siońnia heta vyhladaje tak».
Supracoŭnik krajaznaŭčaha muzieja Siarhiej Viźnier prakamientavaŭ situacyju:
«Žudasna! A heta ž histaryčny centr Žodzina».
U vieraśni 2023 hoda ŭ miascovych telehram-kanałach źjavilisia paviedamleńni pra pačatak rabot na Bahusłaŭ Poli. Na adnym z budynkaŭ kompleksu zamianili dach, što vyklikała aptymizm u haradžan. «Na Bahusłaŭ Poli praces pajšoŭ», — pisali ŭ telehram-kanale žodzinskich prapahandystaŭ «ŚvieŽO».
Adnak praz hod na miescy pomnika mała što źmianiłasia. Ramontnyja raboty, padobna, spynilisia adrazu paśla ŭstanoŭki novaha dachu.
Kompleks «Vadziany młyn» byŭ stvorany ŭ 2008 hodzie na miescy, dzie, pavodle histaryčnych krynic, u 1643 hodzie kniaź Bahusłaŭ Radzivił zasnavaŭ miastečka Bahusłaŭ Pole. Mienavita tut u 1663 hodzie źjaviŭsia pieršy ŭ Žodzinie młyn.
Kompleks zadumvaŭsia jak simvał pačatku histaryčnaha šlachu horada. Jahony makiet uklučaŭ młyn, sialanskuju siadzibu z chataj, adrynaj i studniaj-«žuraŭlom». Aŭtar prajekta, Uładzimir Hłazun, dadaŭ skulptury młynara, jaho žonki i dvaravoha sabaki, kab nadać miescu atmaśfieru žyvoj historyi.
U 2008 hodzie tut była taksama zakładziena Aleja haradoŭ-pabracimaŭ, dzie pradstaŭniki zamiežnych haradoŭ vysadzili tui ŭ znak družby.
U Žodzinie stali ramantavać pamiatnaje miesca, adkul niekali pačynaŭsia horad. Pierad hetym pisali pra jaho zaniadbany stan
«Kali b Łukašenka ŭźniaŭ pytańnie pierad Pucinym, moh by viarnucca navat Kryž Jeŭfrasińni». Macukievič — pra viartańnie kulturnych kaštoŭnaściaŭ
U Vilejskim rajonie źbirali hrošy na restaŭracyju staradaŭniaj carkvy. U vyniku ź jaje prosta vykinuli ŭsio staroje
U Sienicy pad Minskam pastavili pomnik na mahile pieršaj nastaŭnicy Janki Kupały
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary