Siarod źviestak, jakija vyciekli z bota «Biełaruskaha hajuna», byli ŭnikalnyja ID karystalnikaŭ telehram
Pa hetym numary možna daviedacca infarmacyju ab adkrytych čatach, u jakich znachodzicca ŭładalnik profilu, telefonny numar, kali jon s samaha pačatku nie byŭ schavany ŭ naładach, i historyju pierajmienavańnia akaŭnta.
Siarod źviestak, jakija vyciakli z bota «Biełaruskaha hajuna», byli ŭnikalnyja ID karystalnikaŭ telehram. Stvaralnik prajekta Anton Matolka paćvierdziŭ hetuju infarmacyju «Miedyjazonie».
Unikalny ID prysvojvajecca karystalniku pry stvareńni akaŭnta. Pa hetym numary možna daviedacca infarmacyju ab adkrytych čatach, u jakich znachodzicca ŭładalnik profilu, telefonny numar, kali jon z samaha pačatku nie byŭ schavany ŭ naładach, i historyju pierajmienavańni akaŭnta.
5 lutaha siłaviki atrymali dostup da čatu, kudy bot manitorynhavaha prajekta «Biełaruski Hajun» pieranakiroŭvaŭ paviedamleńni ad ludziej. Stvaralnik prajekta Anton Matolka paviedamiŭ, što dostup da čatu, kudy pierasyłalisia paviedamleńni z bota, byŭ atrymany ŭ vyniku «niesankcyjanavanaha ŭvachodu».
— Kali vy dasyłali infarmacyju, jakaja moža vas identyfikavać, abo pisali z akaŭntaŭ, jakija mohuć vas identyfikavać, vy pad pahrozaj, — dadaŭ aŭtar prajekta.
7 lutaha stała viadoma pra zatrymańnie 42-hadovaha žychara Mazyra Maksima Nikicienki. Heta pieršy viadomy zatrymany paśla ŭciečki danych z bota «Biełaruskaha Hajuna».
U lutym 2023 hoda Anton Matolka nazvaŭ kolkaść karystalnikaŭ, jakija napisali ŭ bot, u 30 tysiač čałaviek.
Učora Anton Matolka paviedamiŭ, što prajekt «Biełaruski Hajun» spyniaje pracu.
Biełaruski Hajun — manitorynhavy OSINT-prajekt, jaki adsočvaŭ vajennuju aktyŭnaść rasijskich i biełaruskich vojskaŭ. Manitorynhavaja hrupa była stvoranaja pierad pačatkam rasijska-ŭkrainskaj vajny aktyvistam Antonam Matolkam.
Prajekt «Biełaruski hajun» spyniaje pracu
Stała viadoma imia čałavieka, jakoha siłaviki nazvali pieršym zatrymanym pa spravie «Hajuna»
U kanale HUBAZiKa źjaviłasia dziŭnaje śćviardžeńnie pra admina «Biełaruskaha Hajuna»
Stryžak nazvaŭ, kolki zvarotaŭ pryjšło ŭ BYSOL praz uzłom «Biełaruskaha Hajuna»
Što moža pahražać tym, chto pisaŭ u bot «Biełaruskaha Hajuna»? I što možna zrabić ciapier
Spasyłku na bot «Hajuna» siłaviki znajšli na telefonie zatrymanaj aktyvistki, jakaja praciahły čas chavałasia ŭ Biełarusi
Voś jak siłaviki atrymali dostup da bota «Biełaruskaha Hajuna»
Bot Biełaruskaha Hajuna byŭ uzłamany. Chto tudy pisaŭ — pad pahrozaj
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY8
Kamientary
prašu i patrabuju nie paranoić. Biaśpiečny miesiendžar, kali ŭklučać mazhi, a nie być Antonam Matolkam