Volha Niafiodava pryznała, što Kupałaŭski teatr dahetul nie zmoh adnavicca
Aktrysa, jakaja z 2021 hoda spałučaje ihru na scenie z pasadaj mastackaj kiraŭnicy teatra imia Janki Kupały, raskazała pra biahučyja spravy kulturnaj ustanovy.
Niafiodava ŭ intervju «Minsk-Navinam» pryznałasia, što joj niaprosta i hrać, i kiravać teatram. Adna z pryčyn — deficyt prafiesijanałaŭ:
«Viadoma, heta ciažka. Prafiesijanałaŭ nie chapaje, teatr usio jašče adnaŭlajecca. Uziaŭšy na siabie takuju vialikuju adkaznaść [stać mastackim kiraŭnikom teatra — NN], ty dakładna pavinna razumieć, što možaš heta zrabić. <…> Tamu ŭ tyja dni, kali hraju, prašu ŭvohule mianie nie čapać».
Taksama Volha Niafiodava raskazała, jak Kupałaŭski daje rady paśla pierachodu na sistemu finansavańnia 50/50, jakaja patrabuje ad teatru samomu zarablać na svajo žyćcio.
«Vielmi składana, ale takaja realnaść. Treba šukać sposaby, kab rašyć pastaŭlenuju Łukašenkam zadaču. Inšaha vyjścia niama. Mianie, jak mastackaha kiraŭnika, heta zakranuła ŭ častcy kancentracyi, vybaru śpiektaklaŭ — jany pavinny być naviedvalnyja, a značyć, akuplacca», — kaža Niafiodava.
Nahadajem, što ŭ žniŭni 2020 hoda ź viadučaha biełaruskaha teatra na znak pratestu suprać hvałtu siłavikoŭ zvolnilisia amal usie akciory i supracoŭniki. Paśla hetaha kiravać Kupałaŭskim pastavili Volhu Niafiodavu, a teatr pačaŭ ładzić pastajannyja kastynhi. Taksama viadoma, što ŭ trupie nacyjanalnaha teatra pracujuć akciory z Rasii.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary