Dačka deputata z Ašmian trapiła na dziaržsłužbu. Dla hetaha jana kinuła nieŭjaznoha chłopca
Studentka jurydyčnaha fakulteta BDU raskazała, čaho joj kaštavała žadańnie pajści ŭ čynoŭnicy — vyhladaje, što daviałosia pastavić kropku ŭ historyi kachańnia.
Julija Trapačka, studentka jurydyčnaha fakulteta BDU z Ašmianaŭ, apublikavała ŭ sacsietcy Threads post pra toje, što trapiła na dziaržsłužbu. Dla hetaha dziaŭčynie pryjšłosia zrabić niaprosty vybar:
«Jon žyvie ŭ Polščy i nie moža pryjazdžać u Biełaruś, bo tut armija. Ja pastupaju na dziaržsłužbu i: «Nu vy ž razumiejecie, što ŭsie vyjezdy ŭ Jeŭrasajuz vam zakrytyja?» — «Tak, razumieju».
A kažuć, los nie moža raźvieści ludziej».
Julija pastupiła ŭ BDU ŭ 2021 hodzie. Vyhladaje, što ciapier jana skančvaje vučobu i zmoža narešcie pracavać čynoŭnicaj.
U kamientarach dziaŭčyna troški bolš raskazała pra svaju matyvacyju. Julija kaža, što dziaržsłužba — jaje mara ź dziacinstva. Pavodle dziaŭčyny, na chłopca, pra jakoha jana piša, zaviedzienaja kryminalnaja sprava, i Julija nazyvaje heta jaho vybaram.
Mahčyma, Julija tak stavicca da dziaržsłužby, tamu što na jaje paŭpłyvaŭ prykład baćki. Uładzimir Trapačka — člen Ašmianskaha rajsavieta deputataŭ. Taksama kiraŭnik ofisa №404 «BPS-banka» ŭ Smarhoni.
Zabarona padarožničać pa Jeŭropie Juliju byccam nie pužaje: jana kaža, što ŭžo žyła tam i joj nie spadabałasia. Dziaržsłužba joj padajecca krokam da stabilnaści:
«Ja ŭsio-tki abiaru budučyniu i ŭ dalejšym kachańnie, a nie kachańnie biez budučyni ŭ čužoj krainie».
Mierkavańni ŭ kamientarach padzialilisia. Niekatoryja karystalniki padtrymali Juliju — maŭlaŭ, małajčyna, treba dumać pra siabie. Ale mnohija nie razumiejuć taki vybar:
«Vy jurydyčny skančvajecie i idziacie na dziaržsłužbu? MUS ci prakuratura? Moža, i na taho samaha chłopca kryminalnuju spravu zavodzić budziecie? Voś tak žyćcio raźviało dyk raźviało. Navat nie viedaju, kamu tut spačuvać».
«Heta nie los, heta nieluboŭ».
«U losa jość kankretnyja imia, proźvišča, imia pa baćku i kipciury, jak u krakadziła».
«Padtrymlivaju vašaha maładoha čałavieka. Słušny vybar jon zrabiŭ — i što emihravaŭ, i što pakinuŭ vas».
«Naša Niva» — bastyjon biełaruščyny
PADTRYMAĆCiapier čytajuć
Milicyja prapanuje, kab amnistyja zakranuła amal usich asudžanych za narkotyki5
Milicyja prapanuje, kab amnistyja zakranuła amal usich asudžanych za narkotyki
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki77
Kamientary