Situacyja na homielskim vytvorčym abjadnańni «Homsielmaš» paharšajecca. U pryvatnaści, stała viadoma pra kiepski stan zavoda lićcia i narmalaŭ (ZŁiN), jaki ŭvachodzić u skład VA «Homsielmaš». Pavodle infarmacyi «Fłahštoka», pradpryjemstvu daviałosia brać kredyt u banku, kab vypłacić rabočym zarobki ŭ pačatku 2025 hoda.
Jak paviedamiła «Fłahštoku» krynica, źviazanaja z pradpryjemstvam, «zavod niasie straty, zarobki padajuć, vielmi šmat ludziej zvolniłasia».
Surazmoŭca adznačaje, što vostra adčuvajecca niedachop kvalifikavanych rabočych na ŭsich etapach vytvorčaści, «byli zakazy z RF, ale jany nie ratujuć situacyju».
Sa słoŭ krynicy, kab papaŭniać niedachop pracoŭnych ruk, na pradpryjemstvie praktykujuć tak zvanyja «praryvy», kali rabotnikaŭ z adnaho cecha abo adździeła pieravodziać na raboty ŭ inšy:
«Niaredka hetyja raboty navat nie pa asnoŭnaj śpiecyjalnaści hetych ludziej. Naprykład, rabotnikaŭ dapamožnaj vytvorčaści stanočnikaŭ mohuć adpravić vykonvać ślasarnyja raboty abo pracavać na zborcy. Ci ludziej z adździełaŭ mohuć nakiravać u cechi na śvidravalnyja stanki. Jakaść pradukcyi ad takich rabotnikaŭ na «praryvach» adpaviednaja».
Pra składanuju situacyju na rynku prodažu sielhastechniki viadoma pa infarmacyi rasijskich resursaŭ. Ekśpierty čakajuć dalejšaje padzieńnie abjomaŭ prodažaŭ u 2025 hodzie.
Pradstaŭnik asacyjacyi «Technałohii davieru» Anton Vinahradaŭ daŭ prahnoz pa źnižeńni abjomaŭ prodažaŭ techniki na 10-15%», havorycca ŭ materyjale asacyjacyi «Rasśpiecmaš» sa spasyłkaj na Forbes.
U studzieni 2025 hoda prodažy ŭ Rasiju skaracilisia na 31,5% u paraŭnańni sa studzieniem 2024-ha. Asabliva prykmietna ŭpali pastaŭki profilnych dla homielskaha pradpryjemstva samachodnych kormaŭboračnych kambajnaŭ (minus 55,6%) i zbožžaŭboračnych kambajnaŭ (51,5%). Viadoma, što kala 80% svajoj techniki «Homsielmaš» pastaŭlaje mienavita ŭ Rasiju.
«Homsielmaš» apublikavaŭ statystyku pa vytvorčaści kambajnaŭ. Heta zusim nie toje, što čakałasia
BELPOL raskryŭ schiemy, jak Biełaruś zarablaje na vytvorčaści detalaŭ dla rasijskich snaradaŭ
«Biednieńka, ale čyścieńka. A narod źniešnie nie adroźnić ad nas». Rasijski čynoŭnik źjeździŭ u Homiel i zasumniavaŭsia ŭ Maskvie
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1515
Kamientary
možiet idiotov(oj) idieołohov kuda otpraviť?
[Zredahavana]