Pryjorbank letaś atrymaŭ amal šostuju častku prybytku ŭsioj biełaruskaj bankaŭskaj sistemy
U 2024 hodzie Pryjorbank atrymaŭ 484,1 młn rubloŭ čystaha prybytku, što składaje amal šostuju častku ahulnaha prybytku kamiercyjnych bankaŭ Biełarusi (biez uliku Banka raźvićcia). Heta na 50% bolš, čym u 2023 hodzie, piša vydańnie Select.by.
Aktyvy banka pavialičylisia na 6,2% i dasiahnuli 8,67 miljarda rubloŭ, ułasny kapitał — na 30,2% (da 2,13 miljarda), rentabielnaść kapitału — 22,8%, a aktyvaŭ — 5,6%. Heta značna vyšej, čym u siarednim pa bankaŭskaj sistemie krainy.
Kredyty klijentam vyraśli na 25,7% (da 2,75 miljarda), a srodki, raźmieščanyja ŭ inšych bankach, źmienšylisia na 11,2%. Zatoje raźmiaščeńnie srodkaŭ u Nacbanku vyrasła ŭ 2,3 raza.
Asnoŭny dachod banka ŭ 2024 hodzie — čystyja pracentnyja dachody (392,6 miljona rubloŭ), dalej — dachody ad apieracyj z zamiežnaj valutaj (302 miljonaŭ) i kamisijnyja (253,4 miljona). Adličeńni ŭ reziervy skłali 40,5 miljonaŭ, a padatak na prybytak — 178,4 miljona rubloŭ, što składaje 2,1% usich pastupleńniaŭ hetaha padatku ŭ biudžet krainy.
Kolkaść rabotnikaŭ banka vyrasła z 1 657 da 1 737 čałaviek — Pryjorbank pavialičyŭ štat, u adroźnieńnie ad mnohich inšych bankaŭ.
U 2024 hodzie bank źmianiŭ ułaśnika: kampanija z AAE Soven 1 Holding nabyła jaho praz kuplu Raiffeisen CIS Region Holding, ciapier — S1 CIS Region Holding, jakoj naležyć 87,74% akcyj. Dziaržaŭny kamitet pa majomaści mieŭ 6,31%, fizasoby — 4,86%, jurydyčnyja asoby — 1,09%.
Čytajcie taksama: Kupić miljard za €230 miljonaŭ. Prodaž Pryjorbanka azałaciŭ biznesmienaŭ udačy pry Łukašenku
Prodaž Pryjorbanka nikomu nieviadomaj kampanii z AAE mieŭ prykmiety vialikaha dahavarniaka, dzie canoj uzbahačeńnia adnoj ci niekalkich abranych asob aŭstryjcam dazvolili vyvieści ź Biełarusi častku svaich hrošaj. Łavačka mahčymych datyčnych karotkaja: Mikałaj Varabiej, Alaksiej Aleksin, Alaksandr Zajcaŭ — prydvornyja multymiljaniery Alaksandra Łukašenki.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary
Kstati, a čto našim žurnalistam-rasśledovatielam słabo nakopať matieriał i uznať, kto javlajetsia koniečnym bienieficiarom arabskoj "Soven 1 Holding" i kak im udałoś dohovoriťsia s vysokopostavlennymi licami iz OAE, čtoby vyšieukazannuju kontoru isklučili iz publičnoho riejestra i nikto nie moh posmotrieť po niej kakoj-libo informacii?