Prastornyja VIP-apartamienty ŭ centry Minska z panaramnym vyhladam na Śvisłač. Ahulnaja płošča — 309 kvadratnych mietraŭ, žyłaja — 205 kvadratnych mietraŭ, piša Tochka.by.
Adna kuchnia-haścioŭnia tut pamieram z prystojnuju «dvušku» — 61,6 m². Jak ukazana ŭ abjavie, jašče apartamienty składajucca ź piaci pakojaŭ, čatyroch sanvuzłoŭ, čatyroch łodžyj, dvuch bałkonaŭ.
«Dyzajnierski ramont, premijalnaja azdableńnie, ubudavanaja technika vysokaha kłasa, sistema ačystki pavietra i klimant-kantrol. Zakrytaja achoŭvajemaja terytoryja, parkinh ź liftam, dziciačaja i spartyŭnaja placoŭki. U krokavaj dastupnaści — Trajeckaje pradmieście, teatr, parki, kramy i stancyja mietro «Niamiha»», — skazana ŭ abjavie.
Žyllo znachodzicca na 11-m paviersie taho samaha Doma Čyža kala Trajeckaha pradmieścia z panaramnym vyhladam na Śvisłač. Jon byŭ pabudavany ŭ 2011 hodzie. Vyšynia stolaŭ tut — 3 m.
U 2019 hodzie ŭ apartamientach zrobleny dyzajnierski ramont z užyvańniem premijalnych materyjałaŭ. Aŭtarskuju meblu i dekor zamaŭlali ź Jeŭropy. Dźvie kupałapadobnyja stoli ŭpryhožany ručnym rośpisam viadomaha mastaka (nie paviedamlajuć jakoha). Siarod inšych plušak — rekupieracyja pavietra, hukaizalacyja i ŭbudavanaja akustyčnaja sistema, razumnaje aśviatleńnie ź niekalkimi scenarami i navat češskija kryštalnyja lustry.
Nabyć takuju raskošu možna za niapoŭnyja $900 tys. abo Br2 773 257.
Ciapier čytajuć
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki2
Kamientary
on nie raźmiestił
napisał po-svojemu
i po-etomu on mužik