Навука і тэхналогіі

Навукоўцы зрабілі робата з магнітнай слізі. Гэта сапраўдны навуковы прарыў, ну і ён вельмі забаўны ВІДЭА

Слізь, якой можна кіраваць з дапамогай магнітнага поля, можа перамяшчацца ў абмежаванай прасторы і захопліваць прадметы, што робіць яе ідэальнай для магчымага выкарыстання ўнутры цела. Напрыклад, каб даставаць выпадкова праглынутыя прадметы.

Скрыншот з роліка Guardian

Магнітная слізь не проста можа рухацца і абкружаць меншыя за яе аб’екты, яна таксама здольная вельмі моцна дэфармавацца і праходзіць праз вузкія месцы. Субстанцыя, рух якой кантралююць магніты, добра праводзіць электрычнасць і можа быць выкарыстаная, каб звязваць электроды, піша Guardian.

Каб стварыць гэтую ўнікальную рэч, даследчык Лі Чжан з універсітэта Ганконга і яго калегі змяшалі неадымавыя магнітныя часціцы са звычайным ачышчальным сродкам — бурой. Трэці кампанент слізі — полівінілавы спірт, своеасаблівая смала.

Паколькі ў склад слізі ўваходзяць магнітныя часціцы, на яе можна ўплываць з дапамогай знешніх магнітаў. Дзякуючы гэтаму слізь здольная перамяшчацца, круціцца і прымаць форму літараў О і С. Вучоныя ўдакладняюць, што новая субстанцыя — сапраўднае навуковае вынаходніцтва, а не першакрасавіцкі жарт, хаця пра яе і стала вядома ў Дзень смеху.

Пакуль што даследчыкі толькі вывучаюць характарыстыкі магнітнай слізі, але ў будучым яны плануюць выкарыстоўваць яе як робата. Даследчыкі дапускаюць, што субстанцыя можа дапамагчы пры праблемах стрававальнага тракту — напрыклад, калі трэба знізіць шкоду ад праглынутай батарэйкі. З яе могуць выдзяляцца таксічныя электраліты, таму, калі слізь пакрые ўсю паверхню батарэйкі, гэта не дасць электралітам трапіць у арганізм.

Тым не менш, магнітныя часціцы ў слізі самі па сабе таксічныя. Каб трохі знізіць небяспеку ад іх, даследчыкі пакрылі рэчыва слоем аксіду крэмнію — у тэорыі, гэта павінна дапамагчы. Але вучоныя папярэджваюць: тое, наколькі слізь бяспечная, будзе вельмі залежаць ад таго, колькі часу яна правядзе ў вашым арганізме.

 Мікрапластык упершыню знайшлі ў крыві чалавека. Ці ёсць небяспека?

«Наша Ніва» аднаўляе збор данатаў — падтрымаць проста

Каментары

Цяпер чытаюць

Стала вядома, за што асудзілі кіраўніка беларускага Ernst & Young Паўла Лашчанку2

Стала вядома, за што асудзілі кіраўніка беларускага Ernst & Young Паўла Лашчанку

Усе навіны →
Усе навіны

Трамп: Добры дзень перамоў і сустрэч з Расіяй і Украінай

У Рыме сёння праходзіць пахаванне папы Францішка ВІДЭАТРАНСЛЯЦЫЯ4

У Брагінскім раёне сілавікі ў бронекамізэльках і касках выйшлі паляваць на шалёную лісу ВІДЭА9

Зяленскі: Перамога Пуціна будзе правалам ЗША як сусветнага лідара10

З клумбы ў Гомелі сталі прападаць кветкі. Хулігана знайшлі, але з яго нічога не возьмеш4

Тры новаўвядзенні амністыі-2025 — палёгка па наркатычных артыкулах і пажылым зняволеным. Але не палітвязням

Трамп запатрабаваў ад Зяленскага неадкладна падпісаць пагадненне аб нетрах4

У маладых жанчын з ЗША ўпершыню зафіксавалі больш запояў, чым у мужчын4

Было 38 рублёў за кіло, стала 63? Цэннік на цукеркі «Камунаркі» выклікаў спрэчкі сярод беларусаў7

больш чытаных навін
больш лайканых навін

Стала вядома, за што асудзілі кіраўніка беларускага Ernst & Young Паўла Лашчанку2

Стала вядома, за што асудзілі кіраўніка беларускага Ernst & Young Паўла Лашчанку

Галоўнае
Усе навіны →

Заўвага:

 

 

 

 

Закрыць Паведаміць