Грамадства

«Некалькі сказаў пазбавілі мяне спакойнага жыцця». Гарбунова распавяла пра дзіўны ліст, які прыходзіў ёй за кратамі

Прадстаўніца па сацыяльнай палітыцы ў Аб'яднаным пераходным кабінеце Вольга Гарбунова распавяла, што, калі была ў СІЗА, да яе прапусцілі дзіўны ліст без пячаткі цэнзара.

Вольга Гарбунова Ольга Горбунова Olga Garbunova
Вольга Гарбунова. Скрын відэа TOK_talk / YouTube

У выпуску «Ток» Гарбунова згадвае, што з пачатку яе знаходжання ў зняволенні яна атрымлівала па 5-6 лістоў кожны дзень. У асноўным гэта былі лісты ад незнаёмых людзей. Дачка пісала Вользе кожны дзень, але лісты не даходзілі. Дастаткова хутка жанчына перастала атрымліваць лісты ад сястры і іншых блізкіх, а пазней і ад іншых.

Гарбунова згадвае пра цікавы ліст, які да яе дайшоў:

«Звычайна на карэспандэнцыі стаіць пячатка цэнзара, хто менавіта праверыў гэты ліст. На гэтым пячаткі не было. На момант атрымання я ўжо ведала, што на мяне і маю арганізацыю «Радзіслава» напісалі лжывы данос пра тое, што мы давалі сваім кліенткам жыць у прытулку ўзамен на іх удзел у пратэстах, а ў падвалах нашага дома мы шылі бчб-сцягі, друкавалі пратэсныя стыкеры. І гэтая ўся бязглуздзіца пайшла ў ГУБАЗіК, Адміністрацыю, хіба што ў не ў КДБ. Там вялізны пералік адрасатаў быў.

І гэты чалавек напісаў мне асабіста. Ліст дастаткова пусты, хворы. І я б нават сказала, малаадэкватны. Але некалькі сказаў з гэтага ліста пазбавілі мяне спакойнага жыцця на вельмі працяглы час. Там утрымліваліся пагрозы фізічнай расправы на адрас маёй непаўналетняй дачкі. Гэта ўсё было завуаліравана такімі словамі: «мы паклапоцімся пра тваю дачку», «цяпер ты і яна адкажаце за тое, што ты рабіла з дзецьмі ў прытулку».

Першай рэакцыяй было — бязглуздзіца. Але гэта бязглуздзіца, калі ты на волі, калі ты ў любы момант можаш пазваніць дзіцяці, пачуць яе голас, спытацца, ці вярнулася яна са школы, прыйсці вечарам пагаварыць, абняць, здзейсніць нейкія меры бяспекі. Але ты замкнёная ў камеры. 

Спачатку ты рацыяналізуеш і думаеш: гэта пустыя пагрозы. А потым прыходзіць адвакат і гаворыць: «Воля, гэта жахліва. Табе трэба напісаць заяву ў міліцыю». І ты разумееш, што калі адвакат табе такое раіць, то можа ты ўвогуле нешта няправільна інтэрпрэтуеш. І мозг пачаў гуляць у вельмі злыя гульні са мною.

Калі я спала, мне гэта снілася. А калі не спала, ад 6-й ранку да 10 вечара мой мозг маляваў вельмі розныя сцэны таго, як гэта можа адбыцца. І ты проста едзеш з глузду. І ты чакаеш адваката. Адвакатка прыходзіла кожны тыдзень. А ў той момант мне здавалася, што гэта ўсё цягнецца бясконца. Ты ўвогуле не ведаеш, што з ёю. Ці жывая яна. Можа, хто яе параніў. Можа, яна ў бальніцы».

Гарбунова распавяла пра тое, што калі яна знаходзілася ў СІЗА, у яе памёр бацька. І, па словах адваката, яе родныя сумняваліся ў тым, ці варта ёй пра гэта гаварыць. Згадаўшы пра гэта, яна зразумела, што адвакат можа ёй не распавесці, калі што адбудзецца з дачкой.

«Я прыходзіла на гэтыя спатканні. Маска, шчыток. Я проста глядзела ёй у вочы, чакала хвіліну. Мне здавалася, калі нешта адбылося страшнае, яна адвядзе позірк. Яна не зможа мне глядзець у вочы. І заўсёды ў першую чаргу я пытала: «Усе жывыя? Усе здаровыя?» Яна адказвае: «Так».

У мяне была такая параноя. Гэты досвед — тое, што не планаваў рэжым. Гэта тое, што адбываецца без ведама сілавікоў. Але ў кожнага палітзняволенага і палітзняволенай ёсць свае іншыя жыццёвыя абставіны. У мяне гэта быў актывізм, звязаны з абаронаю правоў жанчын.

І гэта дадатковая рызыка таго, што ты рэальна можаш паехаць кукухай. І ніхто цябе не зберажэ. І ніякая потым шматгадовая медыцынская рэабілітацыя пасля твайго вызвалення табе не дапаможа. Таму для мяне так важны гуманітарны трэк».

Глядзіце цалкам:

Каментары

Цяпер чытаюць

«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі1

«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі

Усе навіны →
Усе навіны

У беларускага А1 рэкорд па чыстым прыбытку — 369 мільёнаў рублёў. Але дзяржава зарабіла на гэтым бізнэсе яшчэ больш1

У Іспаніі і Партугаліі аднаўляюць падачу электраэнергіі і шукаюць прычыну маштабнага блэкаўту

Amazon пачала выводзіць на арбіту інтэрнэт-спадарожнікі — канкурэнты Starlink2

Макрон: Захад у найбліжэйшыя 8-10 дзён узмоцніць ціск на Расію3

У Іспаніі праз адсутнасць электрычнасці аб'явілі надзвычайнае становішча, сітуацыя застаецца складанай2

Загарэлася расійская нафтабаза пад Наварасійскам2

Памерла Наталля Раманская1

Беларускім топ-чыноўнікам у Валгаградзе раздалі каларадскія стужкі. Марзалюк застаўся з яблыневай ФОТЫ14

«Было падобна, што пачаўся паўнавартасны кантроль». Усіх, хто ехаў з Беларусі ў Расію і назад, правяралі вайскоўцы10

больш чытаных навін
больш лайканых навін

«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі1

«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі

Галоўнае
Усе навіны →

Заўвага:

 

 

 

 

Закрыць Паведаміць