«Неверагодна, што гэта адбываецца так блізка ад мяжы НАТА і ЕС». Польскі прэзідэнт на саміце ААН згадаў пра беларускіх палітвязняў
Выступаючы на саміце ААН з нагоды 75-й гадавіны прыняцця Усеагульнай дэкларацыі правоў чалавека, прэзідэнт Польшчы Анджэй Дуда закрануў сітуацыю ў Беларусі і заклікаў міжнародную супольнасць супрацьстаяць несправядлівым палітычным судовым працэсам.
«Паводле апошніх даных, сёння там каля 5 тысяч палітвязняў. Сярод палітычных зняволеных — паляк паводле паходжання, грамадзянін Беларусі, журналіст, асуджаны на 8 гадоў зняволення, Анджэй Пачобут. У канцы лістапада ў Беларусі былі затрыманыя два польскія святары: Генрых Акалатовіч і Вячаслаў Пялінак», — заявіў Дуда.
Пры гэтым польскі прэзідэнт адзначыў, што ягоная краіна выкарыстоўвае ўсе дыпламатычныя сродкі для вызвалення польскіх грамадзян, якія ўтрымліваюцца ў Беларусі.
«На жаль, яны абсалютна неэфектыўныя. Гэтыя асобы, як і многія іншыя, былі асуджаныя на падставе лжывых паказанняў, падчас інсцэніраваных судоў, вынікі якіх вядомыя яшчэ да іх пачатку», — сказаў Дуда. І падкрэсліў:
«Міжнародная супольнасць павінна рашуча супрацьстаяць гэтаму і асудзіць такія ганебныя дзеянні».
«Неверагодна, што гэта адбываецца так блізка ад мяжы НАТА і ЕС, што камеры катаванняў усё яшчэ існуюць у XXI стагоддзі ў краіне, якая знаходзіцца непасрэдна за нашымі межамі, і няма ніякага кантакту з людзьмі, якія сядзяць у турмах, як гэта ёсць у справе Анджэя Пачобута. Нават самыя блізкія сваякі доўгі час не могуць звязацца з ім, і на дадзены момант мы дакладна не ведаем, які яго лёс. Некалькі месяцаў не было сувязі, і сёння мы не ведаем, жывы ён ці мёртвы. Спадзяемся, спадзяемся, што ён будзе вызвалены», — падкрэсліў прэзідэнт Польшчы.
Цяпер чытаюць
У кадр зноў трапіла, якім памерам шрыфта для Лукашэнкі друкуюць выступы, каб ён бачыў8
Каментары
Вы не готовы, не хотите и не можете принять новую реальность и защищать свои ценности и взгляды всеми, доступными способами.
Вон, Венесуэла, в подбрюшье США делает с Гаяной то, что делает путин с Украиной, на территории британского содружества и все утёрлись.
Так и тут, лукашенко построил, даже не азиатский режим, а африканский в самом уродливом виде в центре Европы, в подбрюшье НАТО и ЕС, а вы утёрлись и ищете пути вернуться в совместный схематоз, вернуться в 2019 год.....