«Издохнет здесь нацистский змей проклятый!» Любімы аўтар нявесткі Лукашэнкі — расійскі Z-паэт
Ганна Сялук прызналася ў сваёй любові да прыхільніка вайны супраць Украіны.
Пра гэта яна распавяла ў інтэрв’ю газеце «Звязда» пасля таго, як другі год запар атрымала перамагла на «Песні года Беларусі» ў намінацыі «Найлепшы аўтар слоў». Ганна Сялук — гэта псеўданім Ганны Лукашэнка, жонкі Дзмітрыя Лукашэнкі.
На пытанне журналіста дзяржаўнага выдання пра любімых паэтаў Сялук адказала так:
«Калі казаць пра класікаў, то мне падабаюцца творы розных аўтараў, няма кагосьці канкрэтнага. А вось сярод сучасных вылучаю для сябе расійскага паэта Улада Маленку. Яго чытаеш і думаеш: «Ну як жа крута і таленавіта!».
Улад Маленка — гэта расійскі паэт, які горача падтрымлівае ўварванне Расіі ва Украіну. У сакавіку 2022 года ён разам з яшчэ 150 расійскімі дзеячамі падпісаў зварот у падтрымку вайны. У верасні таго ж года Маленка выступіў на канцэрце «Сваіх не кідаем», прысвечаным незаконным рэферэндумам на акупаваных тэрыторыях Украіны, а праз год на канцэрце «Адна краіна, адна сям'я, адна Расія» ў падтрымку анексіі. На Першым канале ён атрымаў перадачу «Свае», у якой Z-артысты выступаюць у падтрымку расійскіх акупантаў.
За сваю праваенную дзейнасць ён атрымаў ад расійскіх уладаў у 2023 годзе высокае званне Заслужанага дзеяча мастацтваў Расіі. А сёлета стаў даверанай асобай Пуціна на прэзідэнцкіх выбарах
«Таленавітая» творчасць Маленкі, якой захапляецца Лукашэнка, выглядае прыкладна так:
«Был крокодил порою пьян мертвецки,
Он измывался над людьми в Донецке,
Себя балуя человечьим мясом,
Он Крым отрезал и Луганск с Донбассом.
Возликовало чёрное зверьё,
Подняв на флаг Бандеру из могилы.
Тогда Георгий вновь воздел копьё,
Чтоб наказать злодея-крокодила.
Один шахтёр сказал в броне мне:
«Ух! Издохнет здесь нацистский змей проклятый!
Святой Георгий — это русский дух.
Его копье — мы, русские ребята!»
Таксама Ганна Сялук прызналася, што ў яе часам з’яўляюцца думкі, якія яна можа выказаць толькі па-беларуску. Яна адзначыла, што ў беларускай мове вельмі ёмкія словы, як, напрыклад, «сапраўды», якія самі па сабе натхняюць на стварэнне песень.
Цяпер чытаюць
«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла25
Каментары
Позоже на автобиографию в стихах.