У Вільні адбудзецца дабрачынны фестываль у падтрымку беларускіх палітвязняў
22 лістапада ў віленскім клубе LOFTAS музычная супольнасць Belarus Outside Sound System і Фонд салідарнасці Bysol правядуць сумесны фестываль у рамках міжнароднай эстафеты салідарнасці Voices Across Borders. Так арганізатары хочуць расказаць людзям па ўсім свеце пра палітычны крызіс і парушэнні правоў чалавека ў Беларусі.
Фестываль Belarus Outside Sound System X BYSOLidarity Relay далучаецца да эстафеты, каб прыцягнуць жыхароў Вільні да агульнай справы і сабраць сродкі на падтрымку беларускіх палітычных зняволеных.
На адной з найлепшых літоўскіх канцэртных пляцовак выступяць пост-панк дуэт Super Besse, які набыў сусветную вядомасць, і гіпна-поп артыстка Anastasia Rydlevskaya, а таксама беларускія дыджэі, добра вядомыя ў Вільні — Stereobeaver, Kornej і Papa Bo Selektah. Трапіць на мерапрыемства можна будзе за любое ахвяраванне ад 10 еўра. Сабраныя сродкі ў поўным аб’ёме будуць накіраваныя на збор эстафеты салідарнасці Voices Across Borders.
«Voices Across Borders» — гэта першая спроба знайсці падтрымку ў тым ліку і ў міжнароднай аўдыторыі, — паведамляюць ініцыятары эстафеты Фонд салідарнасці BYSOL. — Мы спадзяемся, што яна будзе паспяховай і стане штогадовай акцыяй салідарнасці з Беларуссю».
Лукашэнка: У 2020 годзе каля Палаца Незалежнасці не пакістанцы бегалі20
Каментары