У Казахстане блогеру, які здымаў месца крушэння самалёта, далі 10 сутак
Блогера Азамата Сарсенбаева, які здымаў месца крушэння самалёта Azerbaijan Airlines у Актау, арыштавалі на 10 сутак. Яго абвінавацілі ў непадпарадкаванні законнаму патрабаванню паліцыі, піша Казахская служба Радыё Свабода.
Непадпарадкаванне, з пункту гледжання паліцыі і суда, выявілася ў тым, што Сарсенбаеў здымаў зону крушэння на камеру тэлефона і з дрона.
На пасяджэнні суда блогер заявіў пра нязгоду з абвінавачваннем. Ён сказаў, што праводзіў здымкі па просьбе Бі-бі-сі і Reuters, не перашкаджаў пры гэтым працы паліцыі.
Нагадаем, што раніцай 25 снежня самалёт Azerbaijan Airlines, які ляцеў з Баку ў Грозны, упаў блізу аэрапорта Актау. На борце лайнера было 67 чалавек, у тым ліку 37 грамадзян Азербайджана, 16 расейцаў, шэсць казахстанцаў і тры грамадзяніна Кыргызстана. У авіякатастрофе загінулі 38 чалавек, 29 выжылі. Стан семярых тых, хто выжыў медыкі ацэньваюць як вельмі цяжкі.
Лукашэнка: У 2020 годзе каля Палаца Незалежнасці не пакістанцы бегалі20
Каментары