Яна летась выйшла на свабоду па памілаванні.
«Добрая раніца з добрай кавай! І ў добрай кампаніі. Дзякуй камандзе эвакуацыі Байсол і ўсім хто зрабіў гэтую ранішнюю сустрэчу магчымай», — напісаў Андрэй Стрыжак.
Ксенія Луцкіна да жніўня 2020 года працавала на БТ. Пасля выбараў яна далучылася да страйку супрацоўнікаў холдынгу, а затым сышла з пазіцыі карэспандэнта тэлеканала «Беларусь 2» і ўвайшла ў асноўны склад Каардынацыйнай рады.
Пазней Ксенія казала аб тым, што разам з іншымі журналістамі, якія звольніліся, яны плануюць стварыць «альтэрнатыўнае тэлебачанне» на YouTube. Праект развіваўся ў тым ліку пры ўдзеле Акадэміі Прэс-клуба. Першыя перадачы былі запісаныя, запуск павінен быў адбыцца ў студзені 2021.
Ксенію затрымалі 22 снежня 2020 года, ёй выставілі спачатку абвінавачванне па ч. 2 арт. 243 Крымінальнага кодэкса — ухіленне ад выплаты сум падаткаў, збораў у асабліва буйным памеры. Пазней гэтая справа была закрытая, а Ксеніі выставілі новае абвінавачанне паводле арт. 357 Крымінальнага кодэксу (Змова ці іншыя дзеянні, учыненыя з мэтай захопу дзяржаўнай улады).
Праз два гады яе асудзілі на восем гадоў калоніі, пракуратура сцвярджала, што Ксенія займалася стварэннем «грамадскага беларускага інтэрактыўнага тэлебачання, мэта якога — утойванне і скажэнне рэальных фактаў, эскалацыя пратэснай актыўнасці, стымуляванне расколу ў беларускім грамадстве, фармаванне ў людзей негатыўнай думкі аб дзейнасці дзяржорганаў».
У журналісткі была пухліна мозгу, а на волі заставаўся яе васьмігадовы сын.
У жніўні 2024 года яна выйшла па памілаванні.
Цяпер чытаюць
«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла27
Каментары
А скока в, как их, квантовых кульбитах!