Daśledčyca ź Siryi Sudžata Hundersen (Sujatha Gundersen) sabrała na interaktyŭnaj karcie dadzienyja ab pamierach pienisa mužčyn u roznych krainach śvietu. Pra heta paviedamlaje vydańnie Mirror.
Karta była apublikavanaja na płatformie Target Map jašče ŭ śniežni, adnak ŚMI źviarnuli na jaje ŭvahu tolki ŭ kancy žniŭnia. Jaje stvaralnica abjadnała dadzienyja ab siaredniaj daŭžyni erehiravanaha pałavoha člena žycharoŭ usich kantynientaŭ.
U jakaści krynicy Hundersen pakazała zvodnyja tablicy, zasnavanyja na zamierach navukoŭcaŭ z roznych krain, a taksama źviestki anłajn-apytańniaŭ. Aŭtar daśledavańnia nie paviedamiła, jak šmat mužčyn paŭdzielničała ŭ apytańniach i zamierach.
Dadzienyja pra Biełaruś u daśledavańnie nie patrapili. Z najbližejšych susiedziaŭ našaj krainy na karcie jość Rasija (12,8 sm), Polšča (13,9 sm) i Ukraina (13,6 sm). Siarod jeŭrapiejskich krain lidarami stali narviežcy (15,1 sm) i šviedy (15 sm), a aŭtsajdarami — hreki (12,2 sm).
Suśvietny maksimum, pa dadzienych daśledčycy, naležyć žycharam DR Konha (17,9 sm), Habona (17,8 sm) i Ekvataryjalnaj Hviniei (17,7 sm). Samymi ścipłymi pakazčykami vałodajuć žychary Indyi (9,3 sm) i Tajłanda (9,4 sm).
Padobnyja navukovyja pracy i karty publikujucca nie ŭpieršyniu. Pa dadzienych daśledavańnia irłandskich navukoŭcaŭ za 2012 hod, biełaruskija mužčyny mahli pachvalicca značeńniem u 14,63 sm, rasijskija — 13,21 sm, ukrainskija — 13,97 sm, a hruzinskija — 16 sm.
Siaredni suśvietny pamier padličyła ŭ 2015 hodzie hrupa navukoŭcaŭ ź Vialikabrytanii. Analiz vymiareńniaŭ 15 tysiač dobraachvotnikaŭ z usiaho śvietu daŭ siaredniaje značeńnie ŭ 13,1 santymietra ŭ erehiravanym stanie.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary