Kiraŭnik kanała «Mir»: Ciapierašni Tut.baj maje vielmi ŭskosnyja adnosiny da žurnalistyki
Dyrektar pradstaŭnictva teleradyjokampanii «Mir» u Biełarusi Uładzimir Piarcoŭ u prahramie «Kłub redaktaraŭ» zahavaryŭ pra sapraŭdnuju žurnalistyku. I vykazaŭ mierkavańnie, što źmiest partała Tut.by ciapier maje «vielmi ŭskosnyja adnosiny» da žurnalistyki.
«My pamiatajem tyja časy, kali Juryj Zisier, jakoha, na žal, užo niama z nami, byŭ dastatkova častym hościem našaj prahramy. Jon prychodziŭ u «Kłub redaktaraŭ», jaho pazicyja nie supadała z pazicyjaj tych, chto siadzieŭ za hetym stałom. Tym nie mienš heta była žurnalistyka biez destruktyŭnaj, antydziaržaŭnaj, padryŭnoj i adkryta niehatyŭnaj dziejnaści ŭ adnosinach i ludziej, i ŭ cełym dziaržavy Respubliki Biełaruś. Naturalna, my razumiejem, što byli žurnalisckimi apanientami, redakcyjnymi antahanistami. Naša redakcyjnaja palityka i palityka Tut.baja była zusim roznaj. Toje, što my nazirajem ciapier, da žurnalistyki maje vielmi ŭskosnyja adnosiny. Na žal. My smutkujem pa tych časach, kali było inačaj. Spadziajomsia, što, moža, niejkija miery z boku Ministerstva infarmacyi spracujuć, i ŭsie našy tak zvanyja niezaležnyja ŚMI viernucca ŭ narmalnuju kalainu».
Uładzimir Piarcoŭ — ziać byłoha kiraŭnika «Biełaj Rusi» i Administracyi prezidenta Alaksandra Radźkova. Apošnija 10 hadoŭ jon uznačalvaje biełaruskaje pradstaŭnictva teleradyjokampanii «Mir» (finansujecca SND).
Pavodle apytańniaŭ IAC, u 2018 hodzie «Mir» zajmaŭ siomaje miesca siarod biełaruskich telekanałaŭ pa papularnaści, sastupajučy «Biełaruś 1», «Biełaruś 2», ANT, «RTR-Biełaruś», STB, «NTV-Biełaruś».
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1111
Kamientary