Kavaleŭski raskazaŭ, što ciapier robicca z «pašpartam novaj Biełarusi»
Pradstaŭnik Abjadnanaha pierachodnaha kabinieta Biełarusi pa mižnarodnych adnosinach Valer Kavaleŭski sustreŭsia sa śpiecpasłańnikami demakratyčnych krain, ź jakimi abmierkavaŭ prablemy stvareńnia i pryznańnia «pašparta novaj Biełarusi», paviedamlaje pres-słužba APKB.
Pavodle Valera Kavaleŭskaha, u najbližejšych płanach — stvareńnie orhana vydačy pašpartoŭ z kamandaj prafiesijanałaŭ, što nieabchodna dla zavajavańnia davieru biełarusaŭ i zamiežnych partnioraŭ.
Hety orhan maje zabiaśpiečyć vykanańnie najvyšejšych mižnarodnych standartaŭ pry techničnaj padtrymcy śpiecyjalizavanych arhanizacyj: ad zboru zajavak i vyrabu fizičnych asobnikaŭ da biaśpiečnaha zachoŭvańnia danych.
Pieršymi atrymalnikami novych pašpartoŭ u vypadku paśpiachovaj realizacyi hetaha prajekta majuć stać tyja, chto maje lehalizacyju ŭ krainach pražyvańnia, — ludzi, jakija ŭžo prajšli pieršasnuju pravierku nacyjanalnymi mihracyjnymi słužbami. Heta, na dumku Valera Kavaleŭskaha, paspryjaje stanoŭčamu ŭsprymańniu prajekta nacyjanalnaha pašparta Biełarusi jeŭrapiejskimi partniorami.
Nieŭzabavie pradstaŭnictva pa zamiežnych spravach Kabinieta płanuje źviarnucca da dyjaspar z prapanovaj dałučycca da ŭdziełu ŭ kampanii pa stvareńni pazityŭnaha imidžu novaha nacyjanalnaha pašparta Biełarusi ŭ jeŭrapiejskich krainach.
«Padstaŭ dla pryznańnia «pašparta novaj Biełarusi» bolš čym dastatkova». Kavaleŭski adkazaŭ litoŭskamu jeŭradeputatu
Ciažka ŭjavić, što «pašpart novaj Biełarusi» budzie chutka pryznany — jeŭradeputat
«Pačali praces zakupki materyjałaŭ dla druku». Cichanoŭskaja raskazała, jak idzie praca nad novym biełaruskim pašpartam
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary