Ministr achovy zdaroŭja zładziŭ raznos BDMU pierad pačatkam navučalnaha hoda
Alaksandr Chadžajeŭ kateharyčna zabaraniŭ pačynać novy navučalny hod «u takich umovach». Na ramont dali tydzień.
Pra heta paviedamiła pres-słužba Ministerstva achovy zdaroŭja.
«Sustrakać navučalny hod u takich umovach kateharyčna nielha. 1 vieraśnia — heta śviata, novy pačatak vučebnaj pracy i jaho treba sustrakać u prymalnych umovach», — padkreśliŭ Alaksandr Chadžajeŭ.
Tak, ministr achovy zdaroŭja pravioŭ manitorynh padrychtoŭki BDMU da pačatku navučalnaha hoda. Jon naviedaŭ navučalny 10-paviarchovy korpus mieduniviersiteta. Adnak u ministra ŭźnik šerah pytańniaŭ u suviazi z tempami i jakaściu padrychtoŭki niekatorych pavierchaŭ da navučalnaha hoda.
U vyniku svajho vizitu ŭ BDMU Chadžajeŭ adznačyŭ:
- niedarobki,
- adsutnaść biahučaha ramontu,
- zryŭ terminaŭ praviadzieńnia ramontu častki pamiaškańniaŭ.
Jak rastłumačyli pradstaŭniki rektarata, zaraz na praśpiekcie Dziaržynskaha idzie budaŭnictva novaha korpusa BDMU. Z uvodam abjekta častka kafiedraŭ pierasielicca i tady, pa płanach, univiersitet pačnie kapitalny ramont pamiaškańniaŭ hetaha korpusa.
Ministr daŭ daručeńnie nieadkładna prybrać usie niedapracoŭki, pryciahnuć dla hetych met padradnyja arhanizacyi i na praciahu tydnia dałažyć ab praviedzienych mierapryjemstvach.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj5
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1414
Kamientary
Daśledavali ŭžo samyja siabie, što vy nievinavatyja? Kamentataraŭ ab jektyvavali?