Volha Harbunova pakinuła pasadu pradstaŭnicy pa sacyjalnaj palitycy Abjadnanaha pierachodnaha kabinieta
Śviatłana Cichanoŭskaja pryniała adstaŭku Volhi Harbunovaj, paviedamiła pres-słužba Abjadnanaha pierachodnaha kabinieta Biełarusi.
«Dla mianie heta było niaprostym rašeńniem, jakoje ja peŭny čas abdumvała, i pryjšła da vysnovy, što chacieła b praciahnuć svaju dziejnaść nie stolki ŭ palityčnym, kolki ŭ humanitarnym rečyščy dla dapamohi palitźniavolenym. Ja ŭdziačnaja kamandzie Kabinieta i inšym strukturam demakratyčnych sił za supracoŭnictva. Upeŭnienaja, jano praciahniecca, ale dla mianie ŭžo ŭ inšaj roli», — prakamientavała svaju adstaŭku ŭžo byłaja pradstaŭnica pa sacyjalnaj palitycy Abjadnanaha pierachodnaha kabinieta.
Śviatłana Cichanoŭskaja padziakavała Volzie Harbunovaj za jaje aktyŭnuju pracu ŭ Kabiniecie, za arhanizacyju marafonu «Nam nie ŭsio adno!», słužby «Adno akno», pierakład dapamožnika pa vyzvaleńni palitźniavolenych na biełaruskuju movu.
Pry hetym jana padkreśliła, što z pavahaj stavicca da jaje vybaru. Prytym adstaŭka heta nie niečakanaja, jana płanavałasia zahadzia, tamu ŭžo praviedzienyja kansultacyi z patencyjnymi kandydatami na vyzvalenuju pasadu, adnosna jaje nieŭzabavie adbuducca słuchańni ŭ Kaardynacyjnaj radzie.
Volha Harbunova była pradstaŭnicaj pa sacyjalnaj palitycy Abjadnanaha pierachodnaha kabinieta sa śniežnia 2022 hoda.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary