Cichanoŭskaja sustrełasia z adzinym kandydatam ad apazicyi Vieniesueły, jaki, imavierna, vyjhraŭ vybary, ale Madura nie addaŭ uładu
Na palach Miunchienskaj kanfierencyi pa biaśpiecy demakratyčnyja lidary Biełarusi i Vieniesueły — Śvietłana Cichanoŭskaja i Edmunda Hansales — abmierkavali mižnarodny cisk na režymy Alaksandra Łukašenki i Nikałasa Madura.
Cichanoŭskaja vykazała słovy padtrymki i salidarnaści vieniesuelcam, jakija zmahajucca za svabodu. Pra heta «Pozirku» paviedamiŭ hałoŭny daradca Cichanoŭskaj Franak Viačorka.
Siarod pytańniaŭ, jakija abmiarkoŭvali palityki:
- situacyja z represijami ŭ Biełarusi i Vieniesuele;
- mahčymyja šlachi vychadu z kryzisaŭ;
- supracoŭnictva pamiž režymami Łukašenki i Madura;
- situacyja z pravami čałavieka i palitviaźniami;
- kantakty z novaj administracyjaj ZŠA.
- mižnarodnaje supracoŭnictva i biełaruskaje pytańnie ŭ Łacinskaj Amierycy
Cichanoŭskaja i Hansales abmianialisia dośviedam padtrymki hramadzian u vyhnańni i damovilisia pra supracoŭnictva na mižnarodnaj arenie. Asobna jany abmierkavali mahčymaść uźniaćcia biełaruskaha pytańnia siarod krain Łacinskaj Amieryki i arhanizacyju sumiesnych mierapryjemstvaŭ pa prablemie parušeńniaŭ pravoŭ čałavieka.
28 lipienia 2024 hoda ŭ Vieniesuele prajšli prezidenckija vybary, pieramožcam jakich u treci raz byŭ abvieščany Nikałas Madura. Aficyjna jon nabraŭ 51,2% hałasoŭ, apiaredziŭšy apazicyjnaha kandydata Edmunda Hansalesa (44,2%).
Adnak niezaležnyja ekzitpoły pakazali inšyja vyniki: Hansales — 65%, Madura — ad 14% da 31%.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary