Tramp: Ukraina moža zabyć pra NATA. Heta toje, z čaho ŭsio pačałosia
Vystupajučy ŭ Biełym domie, Tramp zrabiŭ niekalki zajaŭ nakont taho, jak jon bačyć Ukrainu i jaje budučyniu. Paviedamlaje Associated Press.
«NATA — možacie zabyć pra heta. Ja dumaju, vierahodna, heta toje, z čaho ŭsio pačałosia», — vykazaŭsia Tramp pra budučyniu Ukrainy ŭ Aljansie.
Tramp dadaŭ, što spadziajecca nieŭzabavie sustrecca z Pucinym u nadziei dasiahnuć pahadnieńnia ab spynieńni vajny va Ukrainie.
Uzmacniać stasunki prezident Amieryki choča z Rasijaj i Kitajem. Pieramovy z Maskvoj iduć «vielmi dobra», skazaŭ Tramp.
Jon adznačyŭ, što nie źbirajecca davać Ukrainie «harantyj biaśpieki, jakija vychodziać za miežy čahości značnaha».
«My paprosim Jeŭropu zrabić heta, bo havorka idzie pra Jeŭropu, jakaja źjaŭlajecca ich najbližejšym susiedam. Ale my zrobim usio mahčymaje, kab usio prajšło dobra», — dadaŭ jon.
ZŠA pasprabujuć stavić pytańnie ab viartańni Ukrainie častki akupavanych terytoryj, ale «damahčysia hetaha składana».
26 lutaha ŭ Biełym domie prajšło pieršaje pasiadžeńnie Trampa z Kabinietam ministraŭ ZŠA. Na im prysutničaŭ taksama Iłan Mask. Tam ža Tramp paćvierdziŭ, što 28 lutaha płanuje sustrecca ź Zialenskim dla padpisańnia pahadnieńnia ab vykapniach.
Na 27 lutaha zapłanavany pieramovy ZŠA i Rasii ŭ Stambule.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary