U Biełarusi źjaviŭsia servis dastaŭki lekaŭ. Pakul jon pracuje ŭ testavym režymie
U Biełarusi zapuściŭsia aptečny anłajn-servis zamovy i dastaŭki lekavych preparataŭ i BADaŭ. Zaraz pravodzicca jaho testavańnie.
Dadatku ŭ markietach pakul niama — na sajcie jość infarmacyja, što jano «chutka stanie dastupnym». Adnak dastaŭku ŭžo možna zamović na apteka.by.
Zamoŭleny preparat ci inšy aptečny tavar dastaviać «u bližejšuju partniorskuju apteku servisu», — havorycca ŭ pres-relizie ab prajekcie.
U im adznačajecca, što navat samyja bujnyja apteki siońnia nie mohuć prapanavać biełarusam uvieś asartymient lekaŭ, dastupnych u krainie. Tamu nieabchodnyja preparaty časta davodzicca šukać u roznych miescach — a časam navat jechać za imi ŭ inšy horad.
Paviedamlajecca, što servis apteka.by dazvolić vyrašyć hetuju prablemu: čałaviek moža vybrać patrebnyja leki na sajcie, paraŭnać ceny ź inšymi płatformami i zamović ich dastaŭku ŭ bližejšuju apteku (varta ŭličvać, što pakul havorka idzie nie pra najbližejšuju da doma zakazčyka, a pra najbližejšuju partniorskuju apteku).
Dastaŭku zakazu možna budzie adsočvać z dapamohaj trekinhu. Kali tavar prybudzie, klijent atrymaje paviedamleńnie i zmoža zabrać jaho «ŭ zručny dla siabie čas, apłaciŭšy na miescy».
Na dadzieny momant, pavodle pres-relizu, da servisu padklučana kala 300 aptek pa ŭsioj krainie, i viadziecca praca pa dałučeńni novych.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary