Cichanoŭskaja vystupiła ŭ Jeŭraparłamiencie razam z Palinaj Šarendaj-Panasiuk
Śviatłana Cichanoŭskaja vystupiła z pramovaj na śpiecyjalnaj plenarnaj siesii Jeŭraparłamienta ŭ Strasburhu, pryśviečanaj Mižnarodnamu dniu žančyn. Siarod zaprošanych vystupoŭcaŭ ad biełarusaŭ na hetym mierapryjemstvie była taksama aktyvistka i byłaja palitźniavolenaja Palina Šarenda-Panasiuk.
Svaju pramovu Śviatłana Cichanoŭskaja pryśviaciła roli žančyn u zmahańni za demakratyju i svabodu, padkreśliŭšy hieraizm žančyn, jakija supraćstajać represijam i vajnie. Jana asabliva źviarnuła ŭvahu, što:
«Siońnia mnohija biełaruskija žančyny atrymlivajuć nie kvietki, a turemnyja terminy. Jany nie špacyrujuć na paradach, a iduć u zały suda. Jany nie mohuć ciešycca raskošaj miru i demakratyi — za ich davodzicca zmahacca. I my zmahajemsia».
Pavodle Cichanoŭskaj, biełarusy siońnia zmahajucca za toje, kab nie apynucca ŭ cieni revanšysckaj Rasijskaj impieryi, za vyzvaleńnie palitviaźniaŭ, za adnaŭleńnie spraviadlivaści i za jeŭrapiejskija kaštoŭnaści — svabodu, biaśpieku i dabrabyt.
Asablivuju ŭvahu demakratyčnaja lidarka pryśviaciła vajnie va Ukrainie, zaležnaści ad jaje vynikaŭ losu Biełarusi i vykazała staŭleńnie da sprobaŭ zapuścić praces mirnych pieramovaŭ:
«My zmahajemsia za Ukrainu, tamu što našy losy pieraplecienyja. Biez volnaj Ukrainy nie budzie volnaj Biełarusi. I biez volnaj Biełarusi nie budzie tryvałaha miru ŭ Jeŭropie.
My zmahajemsia suprać iluzijaŭ. Pucin i Łukašenka nie chočuć miru — jany chočuć padparadkavańnia. Tryvały mir pavinien hruntavacca na pavazie, adnak Pucin hetaha nie prademanstravaŭ», — padkreśliła Cichanoŭskaja.
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj2
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1212
Kamientary
Nie stanavisia lalkaj na bekstejdžy hetaha cyrku na drocie! Nie rasčaroŭvaj ludziej! Ty možaš zrabić dla krainy našmat bolš!