Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
U Jeŭrasajuzie ciapier ličać Złučanyja Štaty nie mienš varožaj i niebiaśpiečnaj krainaj, čym Kitaj. Zabarona supracoŭnikam Jeŭrakamisii na pajezdku ŭ ZŠA sa zvyčajnymi pracoŭnymi smartfonami i noŭtbukami śviedčyć pra toje, jak mocna sapsavalisia stasunki pamiž daŭnimi sajuźnikami z prychodam da ŭłady Donalda Trampa, piša Financial Times.
Jeŭrapiejskaja kamisija vydaje supracoŭnikam, jakija adpraŭlajucca ŭ ZŠA, adnarazovyja telefony i prostyja noŭtbuki, jakija nie źmiaščajuć infarmacyi, kab paźbiehnuć ryzyki špijanažu.
Novyja instrukcyi atrymali členy kamisii i vysokapastaŭlenyja čynoŭniki, jakija na nastupnym tydni buduć udzielničać u viasnovym samicie MVF i Suśvietnaha banka ŭ Ńju-Jorku, raskazali Financial Times čatyry čałavieki, znajomyja ź situacyjaj.
Pavodle ich słoŭ, takija zachady vykarystoŭvajucca pry pajezdkach u Kitaj abo va Ukrainu, dzie vysokaja ryzyka sačeńnia z boku kitajskich abo rasijskich śpiecsłužbaŭ.
«Jany niepakojacca, što ZŠA mohuć praniknuć u sistemy Jeŭrakamisii», — skazaŭ adzin z surazmoŭcaŭ. Piaty čynoŭnik ES dadaŭ: «Transatłantyčnamu aljansu pryjšoŭ kaniec».
U Jeŭrakamisii paćvierdzili, što rekamiendacyi pa biaśpiecy byli niadaŭna abnoŭlenyja, ale admovilisia dać bolš padrabiaznuju infarmacyju. Pa słovach čynoŭnikaŭ, u instrukcyi dla ŭsich supracoŭnikaŭ, jakija adpraŭlajucca ŭ ZŠA, źmiaščajecca rekamiendacyja vyklučać telefony na miažy i źmiaščać ich u śpiecyjalnyja čachły, kab abaranić ad špijanažu, kali jany zastanucca biez nahladu.
«Vašynhton — heta nie Piekin i nie Maskva, ale heta praciŭnik, jaki schilny vykarystoŭvać pazapravavyja mietady, kab prasoŭvać svaje intaresy i sadziejničać svajoj uładzie», — kaža Luk van Midełar, dyrektar Bruselskaha instytuta hieapalityki.
Pamiežniki ŭ ZŠA mohuć prahladać kantent na elektronnych pryładach, i ŭ apošnija tydni było niekalki vypadkaŭ, kali turystam abo supracoŭnikam univiersitetaŭ i daśledčych centraŭ admaŭlali va ŭjeździe ŭ krainu z-za najaŭnaści krytyčnych kamientaroŭ pra Donalda Trampa i jaho administracyi.
Tamu supracoŭnikam Jeŭrakamisii nahadali, kab ich vizy byli ŭ dypłamatyčnych dakumientach, a nie ŭ nacyjanalnych pašpartach.
Sam Tramp u lutym zajaviŭ:
«Davajcie budziem sumlennyja — Jeŭrapiejski Sajuz byŭ stvorany, kab naduryć Złučanyja Štaty. U hetym była jaho meta, i jany dobra z hetym spravilisia. Ale ciapier ja prezident».
Jeŭrapiejskija kampanii z-za palityki Trampa mohuć viarnucca da supracoŭnictva z «Hazpramam»
Zialenski zajaviŭ, što Ukraina hatova kupić 10 kompleksaŭ Patriot za 15 miljardaŭ dołaraŭ, ale ZŠA nie pradajuć
Duda: Tramp — heta najlepšy šaniec na mir va Ukrainie
Paźniak kaža pra chutkija pieramieny ŭ Biełarusi: Spadziajusia, ja ŭ hetym paŭdzielničaju
Pradstaŭnik Trampa: Ukrainu možna padzialić, jak paślavajenny Bierlin u miežach mirnaha pahadnieńnia
Ciapier čytajuć
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary