Лукашэнка сёння праводзіць нараду па пытаннях знешняй палітыкі, піша БелТА.
Ён адзначыў, што міжнародная сітуацыя застаецца няпростай і, па яго словах, справа не толькі ў пандэміі. Пастаянна ўзнікаюць новыя выклікі і пагрозы, звязаныя ў тым ліку з эканамічнай бяспекай. Беларусь вымушаная рэагаваць на іх.
«Зноў успыхнула на прасторы былога Савецкага Саюза. На гэты раз у Нагорным Карабаху. Гарачы канфлікт паміж нашымі блізкімі партнёрамі — Арменіяй і Азербайджанам, які завяршыўся там, — зараз, з усяго відаць, будзе разгортвацца ў дыпламатычнай плоскасці», — сказаў ён.
«Беларусь заўсёды гатовая да супрацоўніцтва з тымі, хто выконвае прынцыпы ўзаемапавагі (прама скажу — з тымі, хто нас паважае), шчырасці і прыстойнасці. Сумна, што некаторыя нашы так званыя партнёры раптам апынуліся не гатовыя да працы ў такіх умовах», — сказаў Аляксандр Лукашэнка.
Ён растлумачыў, што гаворка ідзе пра некаторыя заходнія дзяржавы, з якімі Беларусь у апошнія гады паступова і настойліва выбудоўвала ўзаемавыгадныя кантакты, і асабліва пра найбліжэйшых суседзяў — Польшчу і Літву.
«На жаль, занятая імі пазіцыя ў дачыненні да Беларусі можа перакрэсліць калі не ўсё, то многае з дасягнутага», — заявіў Лукашэнка.
«Пры беспрэцэдэнтным знешнім ціску Беларусі аказана шырокая падтрымка нашымі традыцыйнымі саюзнікамі.
Найбольш адчувальную дапамогу і падтрымку ў гэты няпросты час мы атрымалі ад Расіі, Кітая і іншых дзяржаў. Тым самым яшчэ раз пераканаліся, што сябры пазнаюцца ў бядзе», — сказаў Лукашэнка.
Лукашэнка пацікавіўся, як будуць далей выбудоўвацца адносіны з Расіяй і Кітаем, як выконваюцца дамоўленасці па выніках кантактаў на вышэйшым узроўні, а таксама пасля візітаў сёлета ў Беларусь кіраўніцтва расійскіх рэгіёнаў.
Цяпер чытаюць
У кадр зноў трапіла, якім памерам шрыфта для Лукашэнкі друкуюць выступы, каб ён бачыў18
Каментары