Прапагандысты абурыліся выкананнем песні «Акіяна Эльзы» на Зыбіцкай. Цяпер спявачка не выходзіць на сувязь
У сеціве з’явілася відэа вулічнага канцэрта на Зыбіцкай каля бара «Слоікі-бутэлькі» 3 жніўня. Пры вялікай падтрымцы публікі спявачка Мэрыем Герасіменка выканала песню ўкраінскага гурта «Акіян Эльзы» «Обійми». На спявачку абрынуліся прапагандысты. Цяпер сувязі з дзяўчынай няма. Што з ёю, невядома.
На наступны пасля канцэрта дзень у адным з праўладных тэлеграм-каналаў зʼявіўся пост: «Падкажыце хто-небудзь, а мінскія ўлады ўвогуле ў курсе, што ў іх у цэнтры горада робіцца? Напярэдадні на Зыбе адбыўся бчбшный шабаш». Аўтары падкрэсліваюць, што дзяўчына выступала ў белай футболцы з чырвоным сэрцам на грудзях.
«Публіка была вельмі задаволеная такім святам непаслушэнства», — напісалі прапагандысты.
Яны зазначылі, што прагледзелі сацыяльныя сеткі Мэрыем і апублікавалі скрыншоты пастоў, дзе яна выказвае падтрымку пратэстам і асуджае дзеянні ўладаў. «Вось гэта спакойна выступае ў цэнтры Мінска, у 2022 годзе, напярэдадні «гадавіны мецяжу», — накручвалі яны.
«Можа хопіць ужо сюсюкацца? — адгукнуўся другі канал. — Стварыць мабільны атрад з адпаведнымі паўнамоцтвамі, наклеіць ім на шаўроны лагатып кафэ Oʼpetit, раздаць гумовыя палкі і хай нясуць у прыватны бізнес разумнае добрае і вечнае. Сурʼёзна, трэба ўжо нешта рабіць, каб нават ідэй у такіх змагароў не ўзнікала. А то неяк памяць у іх моцна кароткая апынулася».
Сказаў сваё слова і Азаронак.
«Ужо зла не хапае. Колькі гэта можа працягвацца? Колькі трэба гадоў? Два гады не хапіла? 7? 10? 50? Няўжо няма каму паглядзець, што робіцца ў ВНУ, у барах, у тэатрах, у рэстаранах? І ўжо адкрыта на вуліцы». Ён зноў зазбіраўся «з паплечнікамі» ў рэйд па Зыбіцкай.
Цяпер, паводле «Зеркала», Мэрыем не выходзіць на сувязь. Паводле непацверджанай інфармацыі выдання, спявачка, як і ўладальнік бара «Слоікі-бутэлькі», маглі быць затрыманыя.
Мэрыем Герасіменка — мінская спявачка, салістка Meriem Band. Ёй 28 гадоў. Яна ўдзельніца шматлікіх шоу для спевакоў, у тым ліку расійскага «Голаса», шоу «Песні» на ТНТ, украінскага «Голос країни».
«Лёгкасць, свабода, творчасць — на кожным кроку». Гомельская прапагандыстка адпачывае ў краінах, якія ў працоўны час палівае брудам
Як «інфаспецназаўка» Бондарава, што нішчыць беларускае, падначаліла чыноўнікаў цэлай вобласці ВІДЭА
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі11
Каментары
Свой топор я буду тупить…
Будут сыпаться долу шевроны.
Не забыть!
Не простить!
Только мстить!