У Дзень роднай мовы папулярная пісьменніца сабрала свае ўлюбёныя прымаўкі, і тут паляцела

• Падай, Божа, што высока, а што нізка, я і сам вазьму.
• І замуж не выйшла, і ў дзеўках не засталася.
• Чарачкі і румачкі давядуць да сумачкі!
• З музыкі хлеб невялікі, а з гулякі — і зусім ніякі.
• Аддам на Святы Адам.
• Глядзі таго, з чаго хлеб ясі.
• Не ўмееш шыць золатам — ідзі біць молатам!
• Хадзем, баба, у чужое сяло, пачуем, што ў нашым робіцца.
• Гуляй, Агата, заўтра свята.
• Гаварыў бы каток, ды язык караток.
• Што зязюля то не птушка, што нявестка не дачушка.

«Непраўдзівая, затое ладна скроеная», — пракаментавала пісьменніца апошнюю прымаўку, дадаўшы яшчэ да купы яшчэ адну жартоўную і «непаліткарэктную», пра палешукоў:

«Палешуку то і серп дзіва».

А пасля разышлася так, што накідала яшчэ ладную гурбу гэтых прымавак у каментарах:

• Гушчу з'еў, а жыжку на кагал!
• Дурню і сем вёрст не крывулькі.
• Прыляцела куля, не знаем адкуля.
• Праз аднаго барана ўсё стада пагана.
• На балючае вока ўсё парушша ляціць.
• Мала даць — брыдка. А многа — шкода.
• На тое і б'юць, каб балела.
• Далі ў зубы і тым звялі рахубы.
• Хто пад'еўшы спаць кладзецца — у таго сала завядзецца.
• Кашаль пехатою не ходзіць.
• Не з нашым носам маліну кляваць!
• П'ян — капітан, а праспіцца — дык аўцы баіцца.
• Пуня згарэла. Але ж і мышы ляснулі!
• Ад поліўкі — ножкі тоненькі.
• Касіў бы Хведзька, ды ў торбе рэдзька.

Чытачы ж цешыліся, гэта ўсё чытаючы, і шчодра сыпалі сваё:

• Бог сірот любіць, ды шчасця не дае.
• Хто прастуе, той дома не начуе.
• Пойдзеш нацянькі — патраціш дзянькі.
• Рыбы і зайцы завядуць у старцы.
• Ад капусты дзеўкі тлусты.
• Не рабі ліхога і не бойся нікога.
• Слухай мяне і бяда не міне!
• Пайшоў за воўнай, а вярнуўся стрыжаным.
• Сам не гам і другому не дам.
• Пашлі дурнога, за ім — другога.
• Ну памрэш! Будзе зямлі скварка, людзям чарка!
• Не галодная карова, калі пад носам салома.
• Есці — не сраці, можна пачакаці.
• На табе, нябожа, што нам нягожа.
• Куды конь з капытом, туды і рак з клюшнёю.
• Уга, чакай Пятра — сыру з'ясі.
• Ат, у гэнай балаболкі і нясеянае расце.
• Свайго лёсу на кані на аб'едзеш.
• Не наеўся — не наліжашся, перад смерцю не надышашся.
• Шыла-шыла — гаўном завяршыла.
• Голы, збірайся! — голы гатоў.
• Кажух ляжыць, і дурань дрыжыць.
• Былі б дурні, а паны знойдуцца.
• Жартаваў воўк з канём, ды ў жмені зубы панёс.
• Быў бы паніч, каб не свіны лыч.
• Няма горшай долі, як жыць без волі.
• Жаніся, каб дурні не звяліся.
• Пажыві чалавекам, сабакам пажыць яшчэ паспееш.
• Як дуду надзьмеш, так дуда іграе.
• Усякаму чалавеку сонца свеціць.
• Паміраць збірайся, а жыта сей.
• Горш няма, калі баішся — і гора не мінеш, і надрыжышся.
• Розум не кулеш, у галаву не ўліеш.

• 64
• 0
• 1
• 0
• 0
• 0
• 0
• 7