Грамадства2020

Сястра Ганны Сялук: Амерыка і «Еўрабачанне» нам не патрэбныя, ёсць рынак Расіі і Казахстана

Намесніца дырэктара «Музычнай медыякампаніі» Таццяна Кулакова (яна ж сястра нявесткі Аляксандра Лукашэнкі) расказала, як бачыць беларускую музычную індустрыю.

Таццяна Кулакова Tatiana Kulakova Татьяна Кулакова
Таццяна Кулакова. Скрын відэа: ont_by / YouTube

Намесніца дырэктара «Музычнай медыякампаніі» Таццяна Кулакова — родная сястра Ганны Лукашэнкі, якая піша песні пад псеўданімам Ганна Сялук. Па інфармацыі «Бюро», гэты прадзюсарскі цэнтр належыць Палацу Рэспублікі Упраўлення справамі Лукашэнкі (30%) і прыватнай кампаніі «АНСЛ прадакшн» (70%). АНСЛ нагадвае скарочаныя ініцыялы Ганны Сяргееўны Лукашэнкі (толькі па-руску). Але сама яна супрацоўніцай у «Музычнай медыякампаніі» не значыцца і ніякага прыбытку ад яе нібыта не атрымлівае.

У эфіры АНТ Кулакова расказала, як узнікла ідэя стварыць прадзюсарскі цэнтр. Па яе словах, усё пачалося пасля 2020 года, калі яна і іншыя калегі неафіцыйна дапамагалі беларускім артыстам з раскруткай, арганізацыяй канцэртаў, але праца стала сур’ёзнай, і прыйшлося аформіць гэта як бізнэс:

«Проста ў нас атрымалася так, што пасля 2020 года многім нашым артыстам давалі нейкія кансультацыі па прасоўванні, па нейкіх кроках у раскрутцы, дапамагалі ў арганізацыі канцэртнай дзейнасці, дапамагалі ў арганізацыі падбору рэпертуару, наладжванні ўзаемаадносін з прэсай. І гэта неяк усё адно за адным, і атрымалася, што ты не можаш сказаць «я дырэктар артыста». Ну хто ты такі? То-бок, няма нейкай юрыдычнай падаплёкі. І таму была створана музычная медыякампанія».

Кулакова запэўнівае, што цяпер музычная індустрыя Беларусі «на ўздыме, у якім яна не была на працягу многіх гадоў».

Па яе словах, раней «людзі проста гадамі спявалі адну і тую ж песню, і гэта было нецікава», цяпер жа «артысты ўсе вельмі высокага ўзроўню па сваім майстэрстве, па сваёй харызме, па сваім рэпертуары».

Пры гэтым Кулакова не бачыць ніякіх праблем, з якімі сёння сутыкаюцца беларускія артысты. «Еўрабачанне» і амерыканскія лэйблы ім не патрэбныя, а для прасоўвання дастаткова Расіі і Казахстана.

«Скажам адкрыта: у амерыканскіх лэйблах нашы артысты не былі. Таму тут праблем няма. А тое, што яны [не] ўдзельнічаюць у «Еўрабачанні», вы ведаеце, так і не трэба. Мяркуючы па тым, што адбываецца ў гэтым конкурсе апошнія некалькі гадоў, мне падаецца, што і не трэба. А рынак расійскі — калі ласка, ён адкрыты. Рынак Казахстана адкрыты».

Кулакова запэўнівае, што місія іх прадзюсарскага цэнтра — пошук новых імёнаў і развіццё музычнай індустрыі краіны.

«Хацелася б, каб гэтых імён было як мага больш. Ведаеце, самая наша вялікая мэта і місія — гэта калі людзі будуць казаць: я люблю сваё беларускае, і я хачу яго чуць, я хачу яго купіць», — даводзіць жанчына і запэўнівае, што ў яе плэйлісце «няма ніводнага іншага артыста, акрамя беларускага».

Каментары20

  • Свінка Пэпа
    15.04.2025
    Вам можа і не патрэбна, а беларусам патрэбна!
  • Сымон
    15.04.2025
    Кулакова запэўнівае, што місія іх прадзюсарскага цэнтра — пошук новых імёнаў і развіццё музычнай індустрыі краіны

    А мяне здаецца, што місія Сялухі і ейнай сястры - піліць грошы дзяржбюджэта, якія іхныя медыяструктуры атрымліваюць па загаду цесця Сялухі. Ну і таксама задаволіць эга Сялухі, якая засумавала пасля шмат гадоў у ролі хатняй гаспадыні, на рахункі якой цяклі скрадзеныя грошы Белаза.
  • Varona
    15.04.2025
    На канцэрты ў Казахстан сваіх бюджэтнікаў таксама аўтобусамі павязеце?

Цяпер чытаюць

«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла10

«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла

Усе навіны →
Усе навіны

«Вылецела з Лондана ў трэцюю краіну». Што вядома пра знікненне Мельнікавай праз месяц пошукаў

Шпакоўскі: Амністыя-2025 да палітвязняў прымяняцца не будзе6

У падмаскоўнай Балашысе ўзарвалі генерала Маскаліка11

Памятаеце журналістку Галузу, якая зліла асабістую перапіску Стрыжака? Яна ўступіла ў «Народную грамаду»21

Цягнік збіў дзяўчыну на вакзале ў Оршы. Яна цудам засталася жывой2

Заўтра радыкальна пахаладае: замаразкі, мокры снег і +8°C..+10°С

Клічко: Украіне, магчыма, давядзецца аддаць тэрыторыі дзеля міру5

У 41 год памёр мінскі амапавец15

Трамп назваў «вялікай саступкай» Пуціна адмову захопліваць усю Украіну23

больш чытаных навін
больш лайканых навін

«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла10

«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла

Галоўнае
Усе навіны →

Заўвага:

 

 

 

 

Закрыць Паведаміць