U Homielskaj vobłaści znajšli novyja zaležy nafty, paviedamiła «Biełarusnafta». Raspracoŭka hetaha radovišča pavinna dać zdabyču kala 1 miljona ton hetaha karysnaha vykapnia.
Znajści naftu na Harcaŭskaj placoŭcy, jakaja mieścicca ŭ Chojnickim i Rečyckim rajonach, dapamahła pošukavaja śvidravina, zroblenaja dla dadatkovaj raźviedki ŭžo adkrytaha ŭ 2022 hodzie mižsalavoha pakładu.
Resursnaja baza abodvuch abjektaŭ — na ŭzroŭni miljona ton nafty, paviedamiła «Biełarusnafta». U 2023 hodzie ŭ Biełarusi płanavałasia zdabyć bolš za 1,8 miljona ton nafty.
Namieśnik hiendyrektara «Biełarusnafty» pa hieałohii Piatro Poŭžyk raskazaŭ, što ciapier na Homielščynie realizujuć unikalny dla Biełarusi prajekt 3D-siejsmavyviedki i jon «taksama achoplivaje rajony, jakija paciarpieli paśla Čarnobylskaj katastrofy».
Kamientary