«Pačałosia šalenstva: usie žurnalisty — heta hebešniki». Chalezin raskazaŭ, čamu pasvaryŭsia z Sańnikavym
U vialikaj razmovie z «Našaj Nivaj» Mikałaj Chalezin raskazaŭ, čamu razyšlisia jaho šlach i šlach Andreja Sańnikava.
«Naša Niva»: Čamu rassvarylisia z Sańnikavym, ź jakim byli paplečnikam?
Mikałaj Chalezin: My ź Fiedziem Paŭlučenkam viali sajt «Chartyi» ŭ 2011 hodzie — tak vypała, što ŭsie inšyja akazalisia ŭ turmie. Pieršaje, što my zrabili — adnavili siabroŭstva struktury z žurnalistami, bo «Chartyja» pasrałasia z usimi, z kim možna. My damovilisia: davajcie pakiniem usio ŭ minułym, heta była nie naša historyja. I ŭsie pačali z nami supracoŭničać. My padniali tady naviedvalnaść da paŭmiljona karystalnikaŭ na dzień.
Ale paśla vyjšli z turmy Sańnikaŭ i Bandarenka i pačałosia niejkaje šalenstva. Znoŭ heta historyja, što ŭsie žurnalisty — heta hebešniki. Nam nielha ŭžo było pakidać svaje imiony ŭnutry hetaj struktury. Ja nie chaču asacyjavacca z tym, što ja razdaju pasady ŭ KDB.
Było b dziŭna zastacca tam i svaju reputacyju pastavić pad udar. I my tak ź Fiedziem reciravalisia. Paśla mianie abvinavacili, što ja chacieŭ zabrać sabie «Chartyju» (na jaki jana była b mnie patrebnaja, u mianie jość teatr vielmi niakiepski). A dalej paniesłasia, stali vykošvać usich, i ŭ vyniku tam zastalisia tolki Sańnikaŭ z Radzinaj i Bandarenka z žonkaj.
«NN»: Jak ciapier da Sańnikava staviciesia?
MCH: A ja nie razumieju, čym jon zajmajecca. Apošniaje, što ja bačyŭ — heta katlety. Nu, zastavajsia z katletami, ja nie chaču ciabie zaprašać u svajo kulinarnaje šou. U jaho reputacyja i na mižnarodnaj arenie źnikła.
«NN»: A z Natallaj Radzinaj jakija adnosiny?
MCH: A ŭ nas ź joj z 2012 hoda nijakich adnosin. Tamu ja paniaćcia nie maju, što ŭ ich adbyvajecca i mnie heta nie vielmi cikava. Ja razumieju, što teatr — heta struktura, jakaja stvaraje peŭny kantent, prapanuje jaho aŭdytoryi i žyvie ŭ adkrytaj prastory. A što takoje «Chartyja» — struktura, karparacyja? Kali heta redakcyja sajta — nu tak sabie redakcyja, ja nie čytaju z 2012 hoda ich. I ŭ padziaku za heta jany pra mianie i nie pišuć.
Vialikaja hutarka z Chalezinym — jak prapanoŭvali adlot Łukašenku, pra Sańnikava i žurnalistyku 90-ch, teatr i hrošy
Chalezin pra Tut.by: Heta byŭ nie fienomien, a pradukt kanfarmizmu
«Kali ja dla jaho ahient, čamu ja pavinny jaho pavažać?» Chalezin pra Paźniaka
Navumčyk adkazaŭ Chalezinu: Ni ja, ni Paźniak nie atrymlivali ŭ emihracyi ni centu sacyjalnaj dapamohi
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary