Dabravolski i Chalezin vyjšli z Kaardynacyjnaj rady — pryčyna ŭ kožnaha svaja
Stała viadoma, što Alaksandr Dabravolski, jaki byŭ lidaram «Jeŭrapiejskaha vybaru», admoviŭsia ad svajho mandata siabra Kaardynacyjnaj rady. Toje samaje zrabiŭ i Mikałaj Chalezin z hetaha ž śpisu.
U kamientary «Našaj Nivie» Alaksandr Dabravolski patłumačyŭ svoj sychod prablemami sa zdaroŭjem:
«Apošnim časam ja časta adčuvaju siabie kiepska. Mahčyma, heta ad stomlenaści, mahčyma — pa inšych pryčynach. Ja patłumačyŭ heta kaleham, jany ŭspryniali majo rašeńnie z razumieńniem».
Dabravolski byŭ lidaram śpisa «Jeŭrapiejski vybar», druhim numaram u im išła Alina Koŭšyk.
«Ciapier buduć farmavacca frakcyi. I kiraŭnictva frakcyi budzie abranaje tymi siabrami našaha śpisu, jakija prajšli ŭ KR», — udakładniŭ surazmoŭca.
Što tyčycca Mikałaja Chalezina, jon i raniej zajaŭlaŭ pra svoj mahčymy vychad z KR paśla vybaraŭ.
«Moža, budzie lepiej, kali projdzie nastupny čałaviek [sa śpisu] paśla mianie. Ja zastanusia ŭ ranhu pamočnika, daradcy, kaho zaŭhodna ŭ hetaj hrupie. Heta tvoj vybar — jak ty płanuješ dalej. Tamu što kali ja nie mahu nadavać maksimum svajoj uvahi hetamu, to chiba što varta sastupić tym, chto moža», — tłumačyŭ jon žurnalistam.
«U mianie vielmi nasyčany hod: u vieraśni suśvietnaja premjera śpiektakla, potym jaho amierykanski i suśvietny tur, u listapadzie — premjera filma i dalej raśpisany ŭvieś hod. Ja razumieju, što nie chaču padvodzić ludziej i tamu sastupiŭ svajo miesca čałavieku, jaki zmoža addavać hetamu bolš času», — raspavioŭ «Našaj Nivie» Mikałaj Chalezin.
Pry hetym jon adznačyŭ, što zastajecca ŭ kantakcie z frakcyjaj i ofisam.
«Toje, što ja pieradaŭ svajo miesca ŭ KR nie značyć, što ja adychodžu ad hramadskaj dziejnaści. Chutčej heta možna nazvać «aptymizacyjaj pracesu»».
Zamiest Dabravolskaha i Chalezina ŭ Kaardynacyjnuju radu ŭvajšli pradstaŭnica Narodnaj ambasady Biełarusi ŭ Słavienii Alaksandra Mamajeva i Maryja Jafimava, jakaja pracuje piersanalnaj trenierkaj u ZŠA.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary