Za raspracoŭku prahramnaha zabieśpiačeńnia dla «Kibierpartyzan» žychara Barysava asudzili na čatyry z pałovaj hady chimii
U listapadzie Minski abłasny sud razhledzieŭ spravu suprać Maksima Niabožyna pavodle č. 1 i č. 2 art. 361-4 KK (sadziejničańnie ekstremisckaj dziejnaści). Jaho abvinavacili ŭ pieradačy prahramnaha zabieśpiačeńnia i instrukcyj pradstaŭnikam inicyjatyvy «Kibierpartyzany», jakaja była pryznanaja «ekstremisckim farmavańniem». Sudździa Anžalika Daniłava prysudziła Maksimu čatyry z pałovaj hady abmiežavańnia voli z nakiravańniem na chimiju, piša «Viasna».
Maksima, vierahodna, zatrymali prykładna ŭ kancy lutaha. 1 sakavika sud Barysaŭskaha rajona razhledzieŭ administracyjnuju spravu suprać mužčyny pavodle art. 24.3 KaAP (niepadparadkavańnie supracoŭniku milicyi). Vierahodna, tady jamu pryznačyli aryšt, paśla čaho znoŭ pierazatrymali za «niepadparadkavańnie», bo 15 sakavika była razhledžanaja jašče adna sprava suprać jaho.
11 listapada ŭ Minskim abłasnym sudzie razhladałasia kryminalnaja sprava suprać Maksima pavodle č. 1 i č.2 art. 361-4 KK (sadziejničańnie ekstremisckaj dziejnaści).
«Padčas sudovaha śledstva ŭstanoŭlena, što abvinavačany, viedajučy pra dziejnaść ekstremisckaha farmavańnia «Kibierpartyzany», 18 studzienia 2023 hoda nakiravaŭ u čat-bot u telehramie raspracavanuju im prahramu, jakaja dazvalała šyfravać fajły na kamputary karystalnika. Tym samym prahrama zakryvała dostup da zašyfravanaj infarmacyi karystalnika. Jon ža raspracavaŭ i 28 studzienia 2023 hoda nakiravaŭ u čat-bot u telehramie ekstremisckaha farmiravańnia «Kibierpartyzany» instrukcyju dla aktyvacyi prahramy, jakaja źjaŭlałasia naboram drajvieraŭ dla raspracoŭki prahramnaha zabieśpiačeńnia z metaj filtracyi fajłavaj sistemy», — paviedamlaje pres-słužba prakuratury.
Paviedamlajecca, što mužčyna całkam pryznaŭ svaju vinu padčas sudovaha pracesu. U vyniku, sud pryznaŭ jaho vinavatym u «sadziejničańni ekstremisckaj dziejnaści» i pryznačyŭ čatyry hady i šeść miesiacaŭ «chimii». Sud taksama pastanaviŭ kanfiskavać noŭtbuk mužčyny.
-
«Miakka kažučy, mianie tresła». Biełaruska atrymała rachunki na 40 tysiač jeŭra za čatyry dni ŭ šviejcarskaj balnicy
-
«Atrymlivajem abryŭki infarmacyi, u nas niama suviazi». Siastra Maryi Kaleśnikavaj raskazała apošnija naviny pra jaje
-
Vatykan zaprasiŭ Śviatłanu Cichanoŭskuju na pachavańnie Papy Franciška
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary