Tramp rasparadziŭsia raskryć fajły ab zabojstvie prezidenta Kienedzi i Marcina Lutera Kinha
Prezident ZŠA ŭ čaćvier padpisaŭ ukaz ab rassakrečvańni dakumientaŭ, jakija adnosiacca da spraŭ ab zabojstvach byłoha prezidenta ZŠA Džona Kienedzi, jaho małodšaha brata Robierta Kienedzi i zmahara za pravy čarnaskurych amierykancaŭ Marcina Lutera Kinha. Pra heta paviedamiŭ ahienctvu Reuters adzin z pamočnikaŭ Donalda Trampa, piša Radyjo Svaboda.
35-ty prezident ZŠA Džon Ficdžerald Kienedzi byŭ zastreleny padčas vizitu ŭ Dałas, štat Techas, 22 listapada 1963 hoda.
Amierykanskaje rasśledavańnie 1964 hoda, jakoje viała aficyjnaja kamisija, ustalavała, što Kienedzi byŭ zabity hramadzianinam ZŠA Li Charvi Osvaldam, jaki raniej pražyvaŭ u Minsku, i što jon dziejničaŭ adzin. Osvald byŭ zabity ŭ palicejskim upraŭleńni Dałasa praz dva dni paśla aryštu.
Zabojstva prezidenta Kienedzi da hetaha času vyklikaje šmatlikija śpiekulacyi.
Zakon 1992 hoda patrabavaŭ, kab urad apublikavaŭ usie dakumienty ab zabojstvie Džona Kienedzi da kastryčnika 2017 hoda.
U śniežni 2022 hoda Nacyjanalny archiŭ apublikavaŭ bolš za 13 tysiač dakumientaŭ, źviazanych z zabojstvam Džona Kienedzi. Adnak administracyja Džo Bajdena zabłakavała publikacyju jašče niekalkich tysiač dakumientaŭ, spasłaŭšysia na mierkavańni nacyjanalnaj biaśpieki.
Brat Džona Kienedzi, Robiert, zajmaŭ pasadu hienieralnaha prakurora ZŠA. Jon byŭ zabity ŭ Łos-Andželesie 5 červienia 1968 hoda, budučy hałoŭnym pretendentam na pieramohu na demakratyčnych prajmieryz na pasadu prezidenta. Sienatar skončyŭ vystupleńnie ŭ hateli Ambassador, kali jaho zastreliŭ paleścinski imihrant.
Lidar ruchu za hramadzianskija pravy Marcin Luter Kinh byŭ zabity 4 krasavika 1968 hoda prychilnikam biełaj siehrehacyi ŭ Miemfisie, štat Tenesi, kudy jon pryjechaŭ padtrymać bastujučych śmieciaroŭ.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary