Śviet99

Zialenski raskazaŭ, jak bačyć «ździełku» z Trampam pa karysnych vykapniach

Prezident Uładzimir Zialenski ličyć, što ŭ ramkach patencyjnaj «ździełki» z administracyjaj Donalda Trampa ZŠA i Ukraina mohuć sumiesna raspracoŭvać karysnyja vykapni na ŭkrainskaj terytoryi. Pra heta jon raskazaŭ u intervju ahienctvu Reuters.

Uładzimir Zialenski. Fota: Pier Marco Tacca / Getty Images

Zialenski padkreśliŭ, što Ukraina maje patrebu ŭ harantyjach biaśpieki ad svaich sajuźnikaŭ jak častki luboha ŭrehulavańnia vajny i adkrytaja da zaklučeńnia «ździełki» z ZŠA.

«My pavinny spynić Pucina i abaranić toje, što ŭ nas jość — vielmi bahaty Dniaproŭski rehijon, centralnuju Ukrainu», — zajaviŭ prezident Ukrainy.

Pry hetym jon adznačyŭ, što Kijeŭ prapanuje nie «addavać» svaje resursy ZŠA, a aformić uzajemavyhadnaje partniorstva dla ich sumiesnaj raspracoŭki.

«Amierykancy dapamahli bolš za ŭsio, i tamu amierykancy pavinny zarabić bolš za ŭsio. I ŭ ich pavinien być hety pryjarytet, i ŭ ich jon budzie. Ja taksama chacieŭ by pahavaryć pra heta z prezidentam Trampam», — skazaŭ Uładzimir Zialenski.

Pavodle jaho słoŭ, Rasija dakładna viedała, dzie raźmieščanyja krytyčnyja resursy Ukrainy, dziakujučy hieałahičnym daśledavańniam savieckich časoŭ.

Ukraina sama vykazała ideju adkryć svaje radoviščy karysnych vykapniaŭ dla inviestycyj z boku sajuźnikaŭ minułaj vosieńniu, kali jana pradstaviła «płan pieramohi», jaki musić zabiaśpiečyć joj mocnuju pazicyju dla pieramoŭ z Maskvoj.

Ciapier pad rasijskaj akupacyjaj znachodziacca mienš za 20% minieralnych resursaŭ Ukrainy, u tym liku kala pałovy radoviščaŭ redkaziamielnych elemientaŭ. Siarod inšaha Ukraina maje najbujniejšyja ŭ Jeŭropie zapasy tytanu, nieabchodnaha dla avijacyjnaj i kaśmičnaj pramysłovaści, a taksama ŭranu, jaki vykarystoŭvajecca ŭ jadziernaj enierhietycy i ŭzbrajeńni.

Akramia taho, Zialenski paviedamiŭ, što Kijeŭ i Bieły dom abmiarkoŭvajuć ideju vykarystańnia vializnych padziemnych hazavych schoviščaŭ Ukrainy dla zachoŭvańnia amierykanskaha zvadkavanaha hazu.

«Ja viedaju, što administracyja Trampa ŭ hetym vielmi zacikaŭlenaja. My hatovyja i žadajem mieć kantrakty na pastaŭki zvadkavanaha hazu va Ukrainu. I, viadoma, my budziem chabam dla ŭsioj Jeŭropy», — skazaŭ jon.

7 lutaha Donald Tramp zajaviŭ, što płanuje sustrecca ź Zialenskim na nastupnym tydni.

Kamientary9

  • Baradzied
    07.02.2025
    Budut riešať kak dalšie ŝiemiť putlera
  • Imieł vas Dramp
    08.02.2025
    e, oj dada
  • Avstrijak
    08.02.2025
    K sožaleniju sdiełka budiet kak skažut, a nie kak on vidit

Ciapier čytajuć

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj

Usie naviny →
Usie naviny

U Kijevie z-pad ruinaŭ doma ŭsio jašče čutnyja zvanki telefonaŭ3

Śviatar Siarhiej Tryścień znachodzicca doma

Tramp: My majem damovu z Rasijaj, zaraz patrebnaja zhoda Zialenskaha9

«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki12

Pamior vajenny karespandent rasijskaha telekanała «Źviezda»1

Rasija naniesła masiravany ŭdar pa haradach Ukrainy, u Kijevie — dzieviać zahinułych, 63 paranienyja2

Bieły dom pra apošniuju zajavu Trampa: u prezidenta «zakančvajecca ciarpieńnie»13

Špakoŭski pra saŭładalnika «Varhiejminha» Kacałapava: Prafinansavaŭ pratesty na 296 tysiač dalaraŭ12

Nie kažy ty mnie słoŭ, što nie hrejuć ciapłom, Alaksandr Čarnucha4

bolš čytanych navin
bolš łajkanych navin

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4

33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj

Hałoŭnaje
Usie naviny →

Zaŭvaha:

 

 

 

 

Zakryć Paviedamić