«Ci možna ich karmić marozivam?» Źjaviłasia knižka pra toje, što jaduć žyvioły
Mižnarodny sajuz biełaruskich piśmieńnikaŭ u supracy z fondam «Kamunikat» vydaŭ knižku Hrete Rotbiol dla maleńkich daśledčykaŭ, jakim cikava, što jaduć vožyki, mieduzy, ptuški i inšyja žyvioły. Kniha pierakładzienaja na biełaruskuju movu sa šviedskaj i maje viečna aktualnuju nazvu «Usie chočuć… jeści», piša Bellit.info.
Vydańnie dla samych maleńkich raskazvaje pra roznych žyvioł: kolki jany žyvuć, jak rastuć i što im padabiecca ź ježy. A jašče — ci možna ich karmić marozivam.
«Kali dzieci jaduć, jany rastuć i stanoviacca bolšymi i bolšymi! I macniejšymi! Toje ž samaje adbyvajecca i z matylkami, vožykami dy katami. Ale ŭsie jany lubiać roznuju ježu. Čałaviek moža vyraści vyšej za dva mietry. A jakoj daŭžyni mohuć być žabka, čarviak, ryba, bahoŭka ci ptuška? I što jany musiać jeści, kab raści?» — havorycca ŭ anatacyi.
Hrete Rotbiol naradziłasia ŭ 1969 hodzie ŭ siamji prafiesijnych śpievakoŭ. Jana straciła abodvuch baćkoŭ u maładym uzroście. U 1979 hodzie pierajechała ŭ Stakholm i ŭ 1981-m apublikavała svaju pieršuju knihu. Na praciahu niekalkich dziesiacihodździaŭ Rotbiol była opiernaj śpiavačkaj mieca-saprana. Razam z mužam Chokanam Sundam jana zasnavała opierny teatr u Bierhsłahienie, na ŭschodzie Šviecyi.
Naprykancy 1990-ch Hrete Rotbiol pačała vydavać dziciačyja knihi, i na ciapierašni čas jana aŭtarka bolš jak 20 knih dla dziaciej i padletkaŭ. U 2018-2024 hadach uznačalvała Šviedski sajuz piśmieńnikaŭ. Jana ŭžo viadomaja biełaruskim čytačam knihaj «Vułkan i cialatka, jakoje vyratavaŭ Pu».
Ilustracyi dla knihi «Usie chočuć… jeści» zrabiła daŭniaja suaŭtarka piśmieńnicy mastačka Anna Karyn Harchamn. Z šviedskaj movy na biełaruskuju knihu pierakłała Nadzieja Kandrusievič.
Zamović knihu Hrete Rotbiol «Usie chočuć… jeści» možna ŭžo zaraz praz sajt Kamunikat.shop
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary