Pravodzić abśledavańnie orhanaŭ hrudnoj kletki 21 i 24 sakavika buduć u mabilnych fluarahrafach, paviedamlaje «Minsk Novosti» sa spasyłkaj na namieśnicu hałoŭnaha ŭrača pa arhanizacyjna-mietadyčnaj pracy Minskaha kliničnaha centra ftyzijapulmanałohii Natallu Visłavuch.
Mabilnyja fluarahrafičnyja sistemy «Pulmaekspres» buduć pracavać z 9:00 da 16:00. 21 sakavika aparaty buduć znachodzicca kala centralnaha ŭvachodu na Kamaroŭski rynak, a 24 sakavika - na płoščy kala ŭniviermaha «Biełaruś».
Abśledavańnie ŭ ich kožny achvotny moža zrabić biaspłatna. U kamandach «Pulmaekspres» buduć uračy-ftyzijatry i renthien-łabaranty. Vyniki dyjahnostyki vydaduć adrazu na ruki. Pry sabie pacyjentam treba mieć pašpart abo inšaje paśviedčańnie asoby.
Takija chutkija abśledavańni ŭ horadzie pravodziać u suviazi z akcyjaj «Bieły ramonak - simvał zdarovaha dychańnia», pryśviečanaj da Suśvietnaha dnia baraćby z suchotami 24 sakavika.
24 sakavika ŭ Minskim kliničnym centry ftyzijapulmanałohii ŭsie achvotnyja zmohuć atrymać kansultacyju zahadčyka ftyzijatryčnaha adździaleńnia. Źviartacca možna z 8:00 da 20:00, pry sabie taksama treba mieć paśviedčańnie asoby.
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary