Хакер узламаў баявога робата з ЗША і расказаў, як гэта можа зрабіць кожны
Футурыстычны сабака-робат, які можа страляць з кулямёта, напужаў інтэрнэт каля месяца таму. Але аказалася, што яго можна проста адключыць з дапамогай прылады, падобнай да тамагочы, піша Vice.
Хакер, які піша ў Twitter пад нікам KF@d0tslash і на GitHub пад нікам MAVProxyUser, выявіў, што ў сабакі-робата ёсць выключальнік, і доступ да яго можна атрымаць з дапамогай малюсенькай таннай прылады.
«Добрыя навіны! — паведаміў d0tslash у Twitter. — Памятаеце тую сабаку-робата са зброяй? Яна была зробленая кампаніяй @UnitreeRobotic. Падобна на тое, усё, што вам трэба, каб адключыць яго — гэта Flipper Zero. У плаце забеспячэння сілкавання ёсць бэкдор на 433 мгц».
На відэа d0tslash паказаў адну з сабак-робатаў Unitree, якая заражаецца. У кадр трапляе рука, якая трымае Flipper Zero, шматфункцыянальную прыладу, падобную да тамагочы, якая можа адпраўляць і прымаць бесправадныя сігналы ў дыяпазонах RFID, Bluetooth, NFC і іншых. Рука націскае кнопку на Flipper, а сабака-робат замірае і падае на зямлю.
Motherboard звязаўся з d0tslash, каб даведацца, як ён ўзламаў сабаку-робата. d0tslash набыў адну з робасабак і пачаў вывучаць дакументацыю, а там выявіў нешта цікавае. Кожны сабака пастаўляецца з дыстанцыйным выключальнікам, прымацаваным да платы забеспячэння сілкавання — часткі канструкцыі, якая накіроўвае сілкаванне ад батарэі да розных сістэм робата.
Выключальнік настроены на тое, каб прымаць сігнал на частаце 433 мГц. Калі ён атрымлівае патрэбны сігнал, то адключае робата. Некаторыя робаты-сабакі Unitree нават пастаўляюцца з бесправадным пультам дыстанцыйнага кіравання, які імгненна адключае сабаку.
Пасля d0tslash выкарыстаў Flipper Zero для эмуляцыі сігналу выключэння, капіюючы сігнал, які пульт дыстанцыйнага кіравання сабакі-робата перадае на частаце 433 МГц.
На Github d0tslash падзяліўся сваёй працай і кодам для эмуляцыі з пульта. Гэта дазволіць любому, у каго ёсць Flipper Zero або аналагічная прылада, адключаць сабак-робатаў, прымяніўшы ўжо гатовую праграму.
Не бойцеся узброеных сабак-робатаў, бо хакеры ўжо ведаюць, як іх адключаць.
-
Студыя з мінскімі каранямі выпусціла відэагульню пра Галівуд. У яе можна гуляць па-беларуску
-
Навукоўцы сцвярджаюць, што адкрылі новы колер, які ніхто раней не бачыў. Але ўбачыць яго амаль нерэальна
-
Перасылка рылса ў інстаграме можа вас выдаць. Гэтую функцыю нельга адключыць, але можна абараніць сябе — вось як
Цяпер чытаюць
«Прачытайце яе гісторыю». Лукашэнку давялося апраўдвацца перад Пуціным за георгіеўскія стужкі5
Каментары