Барак Абама развеяў чуткі пра праблемы ў шлюбе з Мішэль Абамай, прысвяціўшы ёй кранальнае віншаванне з днём нараджэння. У сваім Instagram ён апублікаваў іх сумеснае фота.
«З днём нараджэння, каханне майго жыцця. Ты напаўняеш любое месца цеплынёй, мудрасцю, гумарам і вытанчанасцю — і пры гэтым выглядаеш выдатна. Я шчаслівы, што магу дзяліць з табой прыгоды жыцця. Я кахаю цябе», — напісаў Абама.
Мішэль адказала на віншаванне ў сваім акаўнце, суправадзіўшы публікацыю словамі: «Я кахаю цябе, дарагі».
Гэта заява стала адказам на чуткі пра магчымыя праблемы ў іх адносінах, якія ўзніклі пасля адсутнасці Мішэль на некалькіх важных мерапрыемствах, уключаючы пахаванне былога прэзідэнта Джымі Картэра 9 студзеня.
Адсутнасць Мішэль Абамы на публічных падзеях выклікала хваляванне сярод тых, хто сочыць за гэтай парай. Некаторыя назіральнікі нават адзначылі «адсутнасць актыўных прыкмет блізкасці» падчас іх нядаўняга сумеснага з'яўлення.
Цяпер чытаюць
Лукашэнка: У 2020 годзе каля Палаца Незалежнасці не пакістанцы бегалі20
Каментары