Tramp čakaje ad Rasii adkazu na prapanovu ab pieramirji «na hetym tydni»
Prezident ZŠA Donald Tramp śćviardžaje, što ŭ najbližejšyja dni Rasija pieradaść Vašynhtonu adkaz na prapanovu ab «spynieńni ahniu» va Ukrainie. Pra heta jon skazaŭ u Biełym domie padčas sustrečy z premjer-ministarkaj Italii Džordžaj Miełoni 17 krasavika.
U Trampa spytali, u jaki momant jon prymie rašeńnie, ci hatovaja Rasija da spynieńnia ahniu — i, pry nieabchodnaści, uzmocnić sankcyi suprać jaje.
«Pahladzim, čym heta budzie. My atrymajem ad ich adkaz na hetym tydni, vielmi chutka, i ŭbačym», — adkazaŭ Tramp.
Jon taksama paŭtaryŭ, što choča, kab «śmierć i zabojstvy spynilisia».
Akramia taho, padčas hetaj sustrečy Donald Tramp faktyčna asprečyŭ svaje ž słovy pra toje, što Uładzimir Zialenski adkazny za poŭnamaštabnaje ŭvarvańnie Rasii va Ukrainu. Hetym razam jon skazaŭ, što «nie ŭskładaje adkaznaści [za vajnu] na Zialenskaha, ale ja nie ŭ zachapleńni ad taho, što hetaja vajna pačałasia».
«I tamu ja nie zadavoleny im [Zialenskim], i ja nie zadavoleny kim— niebudź, chto da hetaha datyčny», — miarkuje prezident ZŠA.
Ciapier, adznačyŭ Tramp, jon sprabuje prymusić Uładzimira Pucina «spynicca, tamu što, jak vy viedajecie, Rasija našmat bolšaja, u jaje vialikaja vajskovaja siła, i kali vy razumnyja, vy nie budziecie ŭviazvacca i ŭdzielničać u vojnach».
«Vy možacie abvinavacić čałavieka, jaki siadzieŭ na hetym miescy, Bajdena, u tym, što jon nie viedaŭ, što, čort vaźmi, adbyvajecca. Ale ja mahu harantavać vam — i ŭsie z hetym zhadžajucca, — što kali b ja byŭ prezidentam, hetaj vajny nikoli b nie było», — dadaŭ Tramp.
Tramp praciahnuŭ na hod zakryćcio partoŭ ZŠA dla rasijskich sudnaŭ
«Zrabili absalutna žachlivuju pracu». Tramp znoŭ abvinavaciŭ u pačatku vajny va Ukrainie Zialenskaha i Bajdena
Čynoŭnikam Jeŭrasajuza, jakija adpraŭlajucca ŭ ZŠA, vydajuć adnarazovyja telefony praz bojaź špijanažu
Režysior «Adzin doma» zajaviŭ, što chacieŭ by, kab u filmie nie było sceny z Trampam
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj4
33-hadovy Daniła Harkavy, jaki niečakana pakinuŭ Ofis Cichanoŭskaj, raskazaŭ pra svaju ankałohiju i siem apieracyj
«Minimalny zarobak doktara ŭ Polščy bolšy, čym ja mieła ŭ biełaruskim pryvatnym centry». Doktarka Markiełava — pra pracu ŭ polskaj balnicy i vyrab naturalnaj kaśmietyki1313
Kamientary