Гайдукевіч паабяцаў зрабіць у доме Павука ў Акцябрскім грамадскую прыёмную сваёй партыі
Блогер Андрэй Павук патэлефанаваў палітыку, які падаў на яго пазоў аб маральнай кампенсацыі.
Акрамя 12-гадовага тэрміну, Андрэю Павуку прысудзілі выплату грашовай кампенсацыі маральнай шкоды, нанесенай шэрагу грамадзян. Сярод іх і старшыня праўладнай Ліберальна-дэмакратычнай партыі Алег Гайдукевіч.
Павук пазваніў Гайдукевічу, каб даведацца, наколькі той пацярпеў ад яго «экстрэмісцкай дзейнасці». Размову блогер выклаў у новым выпуску свайго шоу на «Белсаце».
Гайдукевіч не адразу зразумеў, хто яго маральна прынізіў. Павук нагадаў, што старшыня ЛДПБ напісаў на яго заяву ў суд аб кампенсацыі маральнай шкоды ў памеры 20 тысяч рублёў.
— Ты ж не дасі мне 20 тысяч. Мы цябе пасадзім, а потым ужо заплаціш! — заўважыў Гайдукевіч.
— Так ты маральна пакутуеш, Алег? — спытаў Павук і пачуў у адказ: «Я — не. Я шчаслівы». На што блогер паспрабаваў удакладніць, навошта ў такім выпадку Гайдукевіч падаў заяву аб кампенсацыі.
— Але грошы, грошы хачу! Грошы ў дзіцячы дом аддаць, каб ты заплаціў. А я ў дзіцячы дом аддам. Прыязджай. Я яшчэ раз гавару: адсядзіш, я сам пахадайнічаю, каб [ты] выйшаў на два гады раней, — адказаў палітык.
— Ты мне мараль тут сваю не паказвай, я хацеў спытаць, чаму ты пакутуеш? — паспрабаваў вярнуцца да свайго пытання Павук.
— Грошы! Грошы давай. Кватэру ў цябе забяром. Машыну забяром, — разышоўся Гайдукевіч.
Павук прапанаваў палітыку забраць яго кватэру ў пасёлку Акцябрскі і прыехаць туды жыць. На гэта Гайдукевіч адказаў:
«Не, я там зраблю грамадскую прыёмную партыі ў тваім доме і буду там займацца».
Цяпер чытаюць
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый5
33-гадовы Даніла Гаркавы, які нечакана пакінуў Офіс Ціханоўскай, расказаў пра сваю анкалогію і сем аперацый
«Мінімальны заробак доктара ў Польшчы большы, чым я мела ў беларускім прыватным цэнтры». Доктарка Маркелава — пра працу ў польскай бальніцы і выраб натуральнай касметыкі1515
Каментары
Ярмошына таксама ўсё грошаў хацела, і катэджаў у Драздах. Для дзяцей і будучых унукаў старалася....